Crwydro Gyda Ffan Peldroed

Sylw Haeddianol?

2009-12-13T10:15:00.000-08:00

Dwi'n synnu i raddau fy mod i heb son am hyn ynghynt, ond rhaid i mi ddweud faint dwi'n mwynhau rhaglenni Pel-droed S4C. Ers 1992, ar y cyfan, yr unig sylw cyfryngol a roddir i'r Cynghrair Cenedlaethol oedd slot 5-10 munud ar Wales on Saturday, pan oedd cryn nifer o'r cefnogwyr ar eu ffordd adref o gemau'r prynhawn. Tydi ITV ddim yn ymddwyn fel ei fod yn bodoli o gwbl, ac yn gwrthod hyd yn oed dangos y canlyniadau ar y newyddion nosweithiol.

Ond i fynd yn ol at ein darlledwr Cenedlaethol, mae rhaid canu clodydd y sianel. Gwyddwn am nifer sy'n gwylio Sgorio Cymru'n wythnosol, ac yna pecyn ychwanegol gyda sgwrs a thrafod ar brif raglen Sgorio nos Lun. Dwi'n credu mod i'n iawn i ddweud y dangosodd S4C mwy o gemau byw yn ei flwyddyn gyntaf o fod yn berchen ar y hawliau, na wnaeth BBC Cymru yn y 12 mlynedd blaenorol.

Ond wrth reswm, mae sylw'r Uwchgynghrair yn mynd ymhellach na hawliau teledu yn unig. Mae rhaid dweud fod presenoldeb gref ar y we fyd eang, gyda'r wefan swyddogol a'r welsh-premier.com poblogaidd yn gyrchfan dyddiol ar gyfer y newyddion diweddaraf. Ond y broblem fwyaf ydi diffyg diddordeb adran Chwaraeon y BBC. Wrth glicio ar yr adran Gymreig o'r safle Peldroed, ceir yr holl wybodaeth a mynnir am gemau Caerdydd ac Abertawe, a hyd yn oed Merthyr a Chasnewydd i raddau helaeth. Ond mae'r cynnwys o ddeunydd yn ymnweud a'r Pyramid Cymreig bron a bod yn anweledig, sy'n siom o gysidro mai hi yw prif adnodd miliynau o gefnogwyr y bel-gron, yn ddyddiol.

Er yr holl bwyntiau positif a ddaw o ddyfodiad y 'Super 12', does dim modd anwybyddu'r ffaith fod angen gwella presenoldeb y Gynghrair ar ein cyfryngau dyddiol. Er mai lled-broffesiynol yw ei naws, mae na ddigwyddiadau yn cymryd lle bob diwrnod. Mae'n iawn os wyddoch lle i fynd am y wybodaeth angenrheidiol, ond dydi'r cefnogwr cyffredinol ddim mor debygol i logio mlaen i welsh-premier.com o ddydd i ddydd.

Mae hyn yn sicr yn sialens I brif weithredwr newydd y Gymdeithas, Jonathan Ford sydd ar fin dechrau ar ei waith newydd. Mae wedi datgan yn barod mai'r tim cenedlaethol sydd am gymryd ei fryd ar y cychwyn, a mae hynny'n ddigon teg gan mai drwy hwnnw mae mwyhafrif yr incwm yn cael ei gynhyrchu. Gwyddwn i ddim be a ddoth o'r cwmni marchnata a'i gyflogwyd i hyrwyddo Uwchgynghrair rhai tymhorau yn ol, ond tydi hi'm yn debyg fod hwnnw wedi cael fawr o effaith.

Ond dwi'n sicr o un peth. Gwelwn ni ddim cynyddiad sylweddol ar dorfeydd ein clybiau tan mae'r Uwchgynghrair yn sicrhau gwell sylw. Mae'n anodd gen i weld sut y gellid sicrhau hyn, ond dyna ni, dim fi sy'n cael fy nhalu i wneud y gwaith chwaith (gwaetha's modd!).

Ramsey!!

2009-11-16T15:37:00.000-08:00

Mae'r boi yn gret dydi?

Lle wnawn nhw chwara'?

2009-09-13T10:19:00.000-07:00

Un o'r straeon mwyaf hir-wyntog a diflas yn hanes diweddar Bangor, ydi cartref newydd i'r Clwb Pel Droed. Mae'r son wedi bod am symud i Faes Nantporth ger safle'r Coleg Normal, ond parhau i fod ar Ffordd Ffarar mae'r clwb hyd heddiw.

Does dim dadlau nad ydi'r hen stadiwm mewn stad ddigon truenus erbyn hyn, gyda'r eisteddle pren a brics yn edrych fel ei fod am ddisgyn i'r llawr unrhyw funud. Mae'r datblygwyr wedi dechrau ar y gwaith newydd, ac mae na dalpyn o wair a system ddraenio ddigon taclus mewn lle. Ond ers y dirwasgiad byd-eang, mae'r holl waith wedi dod i stop.

Gyda'r trwydded newydd yn ddibynol ar faes o safon gyda 500 o seddi go-iawn, mae'n amlwg fyddai Ffordd Ffarrar yn methu'n lan a chyrraedd y nod. Fel y gwelwch ar y linc yma, mae 'na gais cynllunio o'r newydd wedi'i yrru gerbron y Cyngor. Y tro yma, i osod dau portacabin ac eisteddle dros-dro.

Gwnewch be y mynnwch o'r cynlluniau newydd, ond mae'r cefnogwr pryderus yma'n credu na welwn ni fyth bel-droed yn Nantporth. Gyda stori ddigon tebyg gyda maes newydd i Dderwyddon Cefn, a phrotestwyr yn dal i fynnu'r cynllun, mae'n amser ddigon anodd i rai glybiau sy'n chael hi'n anodd cyrraedd y nod.

Be di'r Broblem efo Warnock?

2009-08-24T10:07:00.000-07:00

Ers y digvwyddiad anffodus pan gafodd gol Freddy Sears ei wrthod i Crystal Palace, dwi wedi clywed sawl yn datgan eu bod yn casau Neil Warnock. Yn bersonol, dwi'n meddwl fod o'n gymeriad sydd ei angen yn y gem. Dwi'n licio'r clip isod yn fawr iawn.

Ewrop

2009-08-18T13:24:00.000-07:00

Does dim os mai’r testun trafod mwyaf ymysg ni’r cefnogwyr yn ddiweddar, ydi’r newidiadau disgwyliedig i Uwchgynghrair Cymru o dymor nesaf ymlaen. Y ‘Deg Disglair’ fel yr adnabyddir, bydd y chwyldro mwyaf ers sefydliad y gynghrair yn 1992. Ond beth ydi’r oblygiadau?
Mae’n siwr fod gan pawb ei farn ynglan a pha glyniau sydd yn, ac ddim yn haeddiannol o fod yn ran o’r datblygiad newydd. Mae’r ffaith fod llawer o Glybiau yn edrych ar eu meysydd a’u academis yn rywbeth calonogol, sydd angen ei gymeradwyo.

Anodd ydi dadlau nad ydi Cynghrair Cymru i gyd yn cylchdroi o amgylch ‘Ewrop’ , a’r pwnc hynnw ydi prif ysgogiad y newid. Fe ddisgynodd bob un o'n clybiau ar y cymal cyntaf eleni, sydd yn rywbeth sy'n bendant angen ei newid. Mae codi safon yn rywbeth sy’n gorfod digwydd yn fuan i wella’n record Ewropeaidd fel Cenedl. Y gobaith ydi fydd hanneru nifer y clybiau yn golygu fydd dwbl yr arian ar gael, a fod y chwaraewyr gorau yn ffendio’u hunain i’r prif adran newydd. Ond a oes rhywbeth wedi’i fethu yn y fan yma?
Mae bron i fis cyfan rhwng y gemau Ewropeaidd cychwynol, a dechrau'r tymor newydd. Mae clybiau Clybiau Cymru’n gorfod mynd allan i baratoi ar gyfer gemau mwyaf eu tymor gyda llond dwrn o gemau cyfeillgar yn erbyn timau lleol. Nid bai’r Clybiau unigol ydi hyn wrth reswm, does yna fawr o ddewis i fod yn onest.
O flwyddyn nesa, bydd bron i hanner y clybiau yn cymryd rhan yn Ewrop. Rwy’n ymdebygu i diwn gron yn son am Bel-droed Haf mae’n siwr, ond mae’r sefyllfa bresennol yn hurt. Os nad ydi tymor Mawrth i Hydref yn dderbynniol i lawer, pam ddim dod a’r tymor presennol ymlaen rhyw fis neu fwy? Tymor Aeafol byddai’n parhau i fod, ond gyda chychwyn ar Orffenaf y 1af, byddai pre-season llawn a un neu ddau o gemau cystydleuol yn gallu gwneud y gwahaniaeth drwy golli allan o gol neu ddau, a enill drwodd i’r rownd nesaf (a’r holl oblygiadau cyllidol). Mae £90,000 ar gael i’r clybiau ar gyfer pob rownd maent yn gallu enill drwyddynt, felly’n amlwg mae’r ysgogiad yno i wneud rhywbeth ohoni!

Cochion Koln

2009-05-15T15:16:00.000-07:00

Fel llawer i un arall, mae gen i fy hoff dim mewn amryw gynghrair yn y byd. Yn yr Almaen, FC Koln ydi hwnnw. Mae hyn wedi'i selio ar drip i'r Almaen a wnes tra dal yn y Coleg, a chael cyfle i fynychu gem yn erbyn eu gelynion pennaf, Aachen. Mae'r cefnogaeth hwnnw wedi sticio i raddau hyd heddiw. Wel, dwi'n deud wedi sticio, i'r graddau mod i'n gwisgo hen grys oddi cartref y clwb rownd y ty, ond dwi'n parhau i gadw llygaid arnynt. Mae'n siwr mai'r newyddion mawr diweddar ydi fod Lucas Podolski am ddychwelyd i'r clwb ol ol cyfnod o 4 mlynedd gyda Bayern Munchen. Ond mae wedi bod yn dymor llwyddianus eleni fel ma'i. Tra fod Hoffenheim wedi bod yn gwneud y penadwdau am eu tymor cyntaf gwych yn y Bundesliga, mae Koln yn eistedd yn 12fed, a safle parchus iawn am dymor cyntaf yn ol yn y brifadran. Dwi'n gobeithio'n fawr gweld y geifr yn ol yn Ewrop yn y dyfodol agos.

Dyfodol Disglair y Dons

2009-05-14T11:06:00.000-07:00

Pan wnaeth Charles Koppel a'i fwrdd benderfynnu symud clwb Wimbledon o'u cartref naturiol yn Ne Llundain i Dref newydd Milton Keynes roedd barn mwyafrif cefnogwyr Peldroed y wlad bron yn unfryd y farn fod 'Franchise' Americanaidd ym Mheldroed yn rywbeth i'w wrthod. Ar y cyfan, credaf fod y farn yma'n parhau. Dydi dymchwel MK Dons lawr y tablau ddim cweit wedi digwydd, ac i ddweud y gwir, mae'r clwb yn ffynu gyda torfeydd da, stadiwm newydd sbon ac enwau mawr fel Paul Ince a Roberto Matteo ymysg eu rheolwyr diweddar.
Ond mae'r ffaith fod AFC Wimbledon, sef y clwb a'i grewyd yn sgil symudiad y 'Dons' gwreiddiol, yn ysbrydoliaeth i gefnogwyr Peldroed ymhobman. Yn bersonol, tydw i ddim yn ffan o'r 'AFC's' diweddar sydd wedi'i creu fel AFC Liverpool ac FC United, sy'n tynnu cefnogaeth o dimau bychain arall yn y bon. Ond does dim os nac oni bai fod sefydliad y Dons newydd (neu'r gwreiddol os hoffwch edrych arni felly) yn un hollol ddealladwy a chanmoladwy. Gret felly yw gweld eu bod newydd eu dyrchafu i'r Blue Square Cenedlaethol. Pwy a wyr, efallai bydd enw Wimbledon i'w weld yn ol ar dablau Cynghrair Lloegr rhyw ddydd.

na na na na, Leslie Davies, Bangor's Number 9!

2009-05-06T11:33:00.000-07:00

Dyma rai lyniau o'r gem a dynais b'nawn Llun ar Barc y Scarlets

I fod yn deg gyda Aberystwyth, dwi'm yn credu iddyn nhw wneud cyfiawn gyda nhw'u hunain. Mae nhw'n dim llawer gwell na be welon ni ar y cae, a dwnim os mai pwysau heb fod wedi ennill y tlws enwog, ers 109 o flynyddoedd, oedd yn chwarae ffactor neu'i peidio. Fe ddaeth goliau Bangor mewn cyfnodau pwysig iawn sef jyst cyn ac ar ol yr egwyl, ac anodd, os nid amhosib ydi amddiffyn yn erbyn chwaraewyr fel Peter Hoy a Les Davies mewn unrhyw giciau rhydd a chornel a.y.b.

Ond yn ffodus i ni Ddinasyddion, mae gennym drip rownd Ewrop ar y ffordd!...

Classic Cwpan Cymru

2009-05-03T12:21:00.000-07:00

Cardiff City v Wrexham (Welsh Cup) 1993
Uploaded by diapers1927

Diweddariadau Twitter

2009-05-03T05:13:00.000-07:00

Gan mod i lawer rhy brysur/diog i bostio'n gyson iawn, dwi wedi ychwanegu blwch i'r dde sy'n dangos y diweddara' o fy niweddariadau Twitter. Gan fod modd i mi wneud hyn dros fy ffon symudol, sgen i'm dewis ond postio rhywbeth yn gyson. Gawn ni weld!

Cyffro'r Gwpan

2009-04-30T13:31:00.001-07:00

Rhaid dweud fy mod yn edrych ymlaen yn arw at y gem fawr Dydd Llun. Byddaf yn gwneud y daith hir lawr i Lanelli ar gyfer Rownd Derfynnol Cwpan Cymru rhwng Bangor ac Aberystwyth. Yn wahanol iawn i'r mwyafrif, tydw i ddim yn gweld lleoliad y gem yn broblem. Dwi'n gredor ers tro byd y dylai'r Ffeinal gael ei chwarae mewn maes safonnol, ac un dydi'r timau ddim yn arfer chwarae arni yn ystod y tymor. Dim amharch i feysydd presennol y Gynghrair, ond mae'n fwy o ddigwyddiad rhywsut. Er pa mor braf byddai gweld clwb fel Porthmadog (sef y mwyaf canolig am wn i) yn elwa o gem o'r fath, credaf fod y Gymdeithas yn gwneud y penderfyniad cywir drwy sicrhau maes mawr i'r achlysur.

Mae angen gofyn cwestiynnau am ddyddiad y gem, serch hynny. Dydd Llun gwyl y banc? Mae'r Ffeinal wastad wedi bod ar Brynhawn Sul ers dwi'n cofio, a gyda mwyafrif y dorf gyda'r diwrnod canlynol i ffwrdd i ddod dros y daith hir a'r noswylio hwyr, credaf byddai'r dorf mor fawr a'r arfer. Chwarae teg i Alun Ffred Jones am ddatgan ei ofidiau, er fod hi rhy hwyr i wneud dim erbyn hyn wrth gwrs.

Tra mae'r gem ei hun yn y cwestiwn, mae gan fy nhim i lawer o boendod meddwl cyn y diwrnod mawr. Mae sawl chwaraewr pwysig yn ceisio dod dros anafiadau, gan gynnwys yr ymosodwr mawr, Les Davies. Dydi Bangor ddim yr run tim heb Les yn dal y bel i fynnu gyda'i gefn i'r gol, a fyddai colli fo yn hyd yn oed mwy o ergyd na colli Chris Sharp ers sawl mis bellach.

Dwi wastad yn trio peidio bod yn rhy hyderus cyn gemau pwysig, a gan gofio bod o leiaf £100,000 yn mynd i ddisgyn i ddwylo'r enillwyr, mae well i mi ddatgan nad ydwyf yn meddwl fod Bangor am fynd a hi.

Gobeithio mod i'n anghywir!

Mae Angen Newid Weithiau

2008-12-10T15:09:00.001-08:00

Cystydleuaeth sydd wedi cael cam dros y blynyddoedd ydi’r hen Gwpan Cenedlaethol (neu’r Premier Cup). Drwy gydol ei fodolaeth, y gred boblogaidd oedd ei fod yn gystydleuaeth israddol, gyda’r Clybiau mwyaf yn ei drin gyda dirmyg llwyr.

Ond wyddoch chi be? Dwi’n ei fethu’n barod. Mae ‘na ambell i glasur wedi bod dros y blynyddoedd ar Ffordd Ffarrar, gyda’r buddugoliaeth dros Gaerdydd, ac yna’r gem gyn-derfynol yn erbyn Wrecsam yn dod i’r cof yn syth. Hyd yn oed gol Darren Hilditch ar Barc Ninian (sydd dal yna i’w wylio ar YouTube os edrychwch yn ddigon gofalus), ymysg dwsinau o gemau eraill.

Y ffaith yw, boed bynnag y tim oedd yn cael ei roi allan, roedd yn gyfle i’r rheiny o’r Cynghrair Cenedlaethol i brofi’i hunain yn erbyn Chwaraewyr Proffesiynol o’r ‘3 mawr’ yng Nghymru, boed yn aelodau cyflawn o’r tim cyntaf, neu ar fin torri drwodd. Heb anghofio wrth gwrs, yr atyniad o gem gartref yn erbyn yn o’r timau rheiny, a’r torfeydd chwyddedig yn eu sgil.

Heb os, prif golled y clybiau ohoni ydi’r gwbrau ariannol. O fewn Peldroed Cymru, rydym i gyd yn wybodol o’r diffyg arian sydd yn y Gem, gem sydd £250,000 y flwyddyn yn dlotach oherwydd penderfyniad y BBC i’w ddiddymu.

Mae ffydd gennyf fod penderfyniad diweddar y Clybiau a’r Gymdeithas i greu Uwchgynghrair o 10 clwb yn gam positif, ac bydd yn elwa’r gamp yng Nghymru. Tybiaf fod tua 6-7 clwb (gan gynnwys Bangor wrth gwrs!) yn sicr o’u lle yn barod, yn seliedig ar Hanes, Maes, Canlyniadau a.y.b. Er hyn, mae’n siwr fod ambell glwb arall yn llygadu’r llefydd sydd ar ol, a all ond fod yn beth da i’r rhai blaengar eu naws. Fy unig bryder bysa’r y teimlad o ‘Groundhog Day’ a all ddatblygu o chwarae yr un hen dimau tymor ar ol tymor.
Mae gwledydd arall fel Iwerddon, gyda’r Setanta Shield yn dod a timau Gogledd a Gweriniaeth Iwerddon Ynghyd, a’r Royal League yn Sgandinafia, yn proi bod modd i wledydd bychain ddod dros y ffenomenon yma gyda chydig o gyd-weithrediad. Byddai gweithio gyda darlledwr fel Setanta i droi’r Tarian Setanta’n un Celtaidd, neu un arall i ddod a’r Cwpan Cenedlaethol yn ei ol, yn gamau positif i’r diben hwnnw, ac yn rywbeth i’w edrych ymlaen iddi’n flynyddol.

Croeso Nol!

2008-08-18T09:38:00.000-07:00

Diolch byth fod y tymor Peldroed yn ei ol. Am rhyw reswm, mae'r haf yma wedi teimlo fel yn hir ofnadwy, ac mae gen i ofn nad ydi 'The Amsterdam Tournament' na rhyw rwtch cyfeillgar cyffelyb am gymryd fy niddordeb, pa waeth pa mor galed mae Sky yn ymdrechu.

Fe ddechrauodd fy nhymor i mor bell yn ol a mis Gorffenaf ar y Cae Ras yn Wrecsam. Hon oedd gem gyntaf Bangor yn Ewrop ers sawl tymor bellach ond roedd y disgwyl amdani braidd yn fwy cyffrous na'r digwyddiad ei hun. Man City oedd pawb yn gobeithio amdani ar y cychwyn wrth gwrs, byddai gem o'r fath wedi cynnal Bangor am dymor o leiaf, arian a fyddai wedi bod yn ddefnyddiol tu hwnt gyda'r symud cartref i Nantporth ar y gorwel.

Ond wrth gwrs, dim ond i TNS mae lwc felly yn syrthio iddynt, felly yn hytrach na taith i Eastlands, FC Midtjylland ddoth allan o'r het (Dwi dal yn gorfod gwglo'r enw i ddarganfod y sillafiad cywir). O flaen 700 o gefnogwyr ar y Cae Ras, sicrhaodd y tim llawn amser o Herning fuddugoliaeth o 6 gol i un. Un o ambell gysur y noson oedd gol Les Davies yn ogystal a'r cefnogaeth wych a gafodd yr Hogia' mewn glas drwy gydol y gem.

Yr wythnos dwytha gwnes y trip i'r Cae Ras i wylio Wrecsam yn erbyn Stevenage. Dwi'n grediniol mai sioc fwya'r prynhawn oedd fod hi'n costio £17 i wylio gem yng Nghynghrair y Blue Square. Does na neb arall yn teimlo fod hynny o leiaf ychydig yn ddrud? Gellir cael mynediad i Neuadd y Parc i wylio TNS neu fynd i'r Belle Vue i weld Rhyl am £7, a ydi'r safon gymaint a hynny gwell?

Er hynny, ar ol dechrau digon sigledig a gol lwcus dros ben o gic rhydd a darodd o leiaf un chwaraewr ar ei ffordd i'r gol, gorffenodd Wrecsam y gem gyda buddugoliaeth o bum gol i ddim. Doedd Jefferson Louis ddim yn edrych rhyw wych iawn a dydi Levi Mackin erioed wedi fy nharo fel chwaraewr sy'n haeddianol o'r crys coch, ond fe aeth y dorf adref yn hapus. Yn anffodus, ar ol canlyniad nos Fawrth, daeth gwirionedd bywyd yn y Blue Square yn ol i'r golwg, a credaf bydd hi'n anodd tu hwnt gweld y clwb yn enill dyrchafiad y tymor yma.

Er yr holl prelims, ddoe oedd y gem roeddwn yn edrych ymlaen amdani yn digwydd. Roedd disgwyl torf sylweddol ar Ffordd Ffarrar ar gyfer ymweliad Llanelli a'r Ddinas. Cafodd swyddogion y clwb ddim eu siomi yn sicr, gyda bron a bod 1,000 o gefnogwyr yn tyrru drwy'r giat. Beth sy'n gwneud hyn yn ffigwr hyd yn oed mwy calonogol oedd mai rhyw 5 cefnogwr ddoth Llanelli gyda nhw.

Aeth mwyafrif llethol y dorf ddim adra'n hapus, gwaetha'r modd. Gwnaeth Meilir Owen bwynt da iawn ar Ar y Marc bore ddoe nad ydi llawer o chwaraewyr y Sosban ddim yn edrych yn rhyw ffit iawn, er gwaetha eu statws hyfforddi llawn-amser. Dwi dal yn credu fod hyn yn wir, ond sicrhaodd Bangor dranc eu hunain i sawl pwrpas p'nawn ddoe.

Un o'r rhesymau fuodd Bangor mor llwyddiannus ar Barc Latham mis Mai diwethaf oedd y gallu i redeg tuag at yr amddiffyn a chreu problemmau. Mae pawb yn gwybod nad ydi llawer o'u chwarewyr yn gymwys i chwarae i'r tim o dan 19 bellach, a felly rhaid gwneud yn fawr o hynny a'u diffyg cyflymdra. Treuliodd Bangor fwyafrif y gem yn ceisio lledaenu peli hir tuag at ben Les Davies yn hytrach na defnyddio cyflymdra Chris Sharp a'r tryc i greu mwy o broblemmau i'r Pencampwyr.

Er y golled ddoe dwi dal yn ffyddiog fod digon i fod yn falch ohoni a fod y clwb yn symud yn y cyfeiriad cywir. Trip i Borthmadog wythnos nesa, ew dwi'n casau'r Haf!

Dydi'r Tymor ddim Drosodd....

2008-05-20T05:33:00.000-07:00

Gan i mi son ynghynt am Ewro 2008, teg fyddai dweud fod cystydleuthau o'r fath yn wych i'r rhai ohonom sy'n llafuro trwy'r Haf yn edrych ymlaen i'r rhestr gemau ddod allan, fel rheol. Yn ffodus, does dim rhaid disgwyl y tair wythnos at y gystydleuaeth yn y swisdir ac Awstria. Mae na gystydleuaeth yn cymryd lle ar ein stepan drws, gan gychwyn heno ar y Belle Vue yn y Rhyl. Timau lled-Broffesiynol (Neu dewis 'C' mewn ambell i achos) Cymru, Lloegr, Yr Alban a Gibraltar sy'n cymryd rhan, a thro Cymru ydi i'w gynnal eleni.

Mae gemau Cymru i gyd yn cael eu chwarae ar y Rhyl, tra bydd peth gemau eraill ym Mae Colwyn a Chroesoswallt. Felly, os am rywbeth i'w wneud yr wythnos yma, ewch lawr i gefnogi hogia Tony Pennock.

Carfan lled-broffesiynol Cymru:
Lee Kendall (Rhyl), Ashley Morris (Merthyr Tydfil), Kyle Kritchell (Weymouth), Gethin Jones (Caerfaddon), Paul Keddle (Caerfyrddin), Daniel Parslow (York City), Lee Surman (Port Talbot), Chris Thomas (Caerfyrddin), Michael Byrne (Northwich Victoria), Adrian Harris (Caerfaddon), Chris Holloway (Llanelli), Craig Jones (Llanelli), Craig Jones (Rhyl), Chris Venables (Y Trallwng), Chad Bond (Balaguer), Les Davies (Bangor), Graham Evans (Caersws), Rhys Griffiths (Llanelli).

Nos Fawrth:
Cymru v Yr Alban 19:00
Belle Vue, Rhyl
Lloegr v Gibraltar 19:00
Llanelian Road, Colwyn Bay

Nos Iau:
Cymru v Gibraltar 19:00
Belle Vue, Rhyl
Yr Alban v Lloegr 19:00
Llanelian Road, Colwyn Bay

Dydd Sadwrn:
Cymru v Lloegr 14:00
Belle Vue, Rhyl
Gibraltar v Yr Alban 14:00
Park Hall, Oswestry

Diflasdod

2008-05-20T03:14:00.001-07:00

Sgen i'm syniad pam mod i'n gythral mor flin yn ddiweddar, ond oes 'na rhywyn arall wedi diflasu'n llwyr ar yr holl heip ynglyn a rownd derfynol Chynghrair y Pencampwyr nos fory? Wath iddi fod yn gem Uwchghynghrair ddim, a bydd hyn ond yn rhoi mwy o abwyd i'r Newyddiaduron sy'n credu heip eu hunain fod Cynghrair Lloegr ben ac ysgwydd yn well na'r un arall yn y byd. Er hynny, os mae rhywyn am enill, geith Chelsea wneud? Yma'n y Gogledd, rydym dal yn clywed son bob dydd am gamp Lerpwl yn 2005. Dwi'm eisio sefyllfa debyg y tro yma os yn bosib!

Ewro 2008 dwi'n edrych ymlaen iddi, a hynny'n fawr iawn hefyd. Byddaf yn cymryd y cam traddodiadol o gefnogi'r Almaen, ond yn sicr bydd yn gystydleuaeth i'w mwynhau. Bydd Grwp C sef 'The Group of Death' yn un difyr iawn, ac amhosib byddai dewis enillydd. Er hynny, siwr bydd Sbaen yn edrych ar hon fel cyfle euraidd i wneud argraff am unwaith. Cawn weld, ond os ydych unrhywbeth fel y fi, bydd peidio gorfod poeni bod Lloegr am enill hi yn fonws ;) Byddaf yn edrych fwy at y gystydleuaeth hon yn yr wythnosau nesaf, ond mae Blog 200% i weld yn cael hwyl dda arni.

Edrych Ymlaen

2008-05-19T05:22:00.000-07:00

Gan fod y tymor rwan wedi gorffen yn swyddogol ar ol Ffeinal Cwpan Lloegr, mae'r sylw traddodiadol yn troi tuag at Ewrop. Naci, ddim y gem nos Fercher, ond cystydleuaethau tymor nesa'. Bydd Llanelli yn gobeithio dilyn esiampl y Barri a chyrraedd ail rownd rhagbrofol Cynghrair y Pencampwyr, tra'r gobaith ar Neuadd y Parc a Ffordd Ffarrar bydd cyrraedd rownd nesaf Cwpan UEFA.

Seeded Teams:
Manchester City Eng 30.996
Brøndby IF Den 18.748
UC2-3 Den 15.748 - 23.748
Viking Stavanger Nor 12.400
UC2-3 Den 6.748 - 15.748
FP Den >6.748
Djurgårdens IF Swe 6.518
Kalmar FF Swe 4.518
Haka Valkeakoski Fin 3.176
Honka Espoo Fin 3.176
FH Hafnarfjardar Isl 2.980
Metalurgs Liepaja Lat 2.915
JFK Olimps Riga Lat 2.915

Unseeded Teams:

Cork City Irl 2.420
St. Patrick's Athletic Irl 2.420
IA Akranes Isl 1.980
CW Est 1.430
Flora Tallinn Est 1.430
Glentoran Nir 0.770
Cliftonville Nir 0.770
Bangor City Wal 0.770
The New Saints Wal 0.770
EB Streymur Far 0.605
B36 Torshavn Far 0.605
CW Lux 0.495
Racing Union Luxembourg Lux 0.495

Bydd Bangor a'r Seintiau Newydd yn gwynebu unrhyw un o'r timau sydd yn y rhestr 'Seeded'. Mae un siawns mewn 13 y bydd Bangor yn gwynebu Manchester City, sef y gem sy'n sefyll allan fwyaf. Yn amlwg, byddai'r siawns o barhau yn y gystydleuaeth yn cael ei dorri lawr yn sylweddol, ond yn sicr byddai'r arian sy'n dod o gemau o'r fath yn hwb enfawr i'r clwb. Yn wreiddiol, roeddwn wedi gobeithio am St Pat's neu Cork o'r Iwerddon, ond oherwydd fod y timau mawrion wedi disgyn lawr, mae hyn wedi effeithio ar y seedings yn amlwg. Y gem waethaf posib o ran trip byddai FH Hafnarfjardar o Wlad yr Ia. Drud i gael iddi, gyda ddim llawer yn gwneud y trip mwy na thebyg. Byddai'r gweddill ddim rhy ddrwg gyda digon o gyfleon i hedfan yn rhad iddyn nhw. Byddai'n well gen i beidio mynd i Riga os yn bosib, gan mod i wedi bod yno o'r blaen. Er, sgen i fawr o le i cwyno am pa dripiau Ewropeaidd y ga'i gyda Bangor chwaith! Methu disgwyl rwan!

Cup Final Fever

2008-05-15T04:54:00.000-07:00

Dwi' methu cynhesu at y syniad fod Ffeinal Cwpan F.A Lloegr, dydd Sadwrn 'ma. Mae na filoedd ar filoedd o gefnogwyr Caerdydd yn disgwyl yn eiddgar tuag at y gem, a canoedd o filoedd o gefnogwyr 'newydd' Caerdydd yn gwneud yr un peth. Pam mod i mor ddi-hid am y peth?
Y llynedd, Manchester United yn erbyn Chelsea oedd hi, gem fyddwn i'n casau ei gwylio fel rheol. Eleni, tim ddi-ffasiynol fel Portsmouth yn erbyn tim o adran is, a rheiny o Gymru hefyd. Mae'n gymysgedd iawn yn y bon, a dwi methu deall pam mod i methu dod fewn iddi'n fwy. O bosib y ffaith nad ydw i'n nabod cefnogwyr unrhyw un o'r ddau, i rwbio ffwrdd arnaf. O bosib hefyd, mae'r heip yma yng Nghymru yn ddigon i droi rhywyn i ffwrdd. Ond fi ydi'r cyntaf i gwyno pan mae Rygbi'n denu'r holl sylw.

Gobeithiaf bydd hyn wedi newyd erbyn bore Sadwrn pan fydd yr hen arferion o godi'n fuan a gwylio'r holl preamble cyn y gem yn cael eu gweithredu eto. Od iawn.

Bydd yr Uwchgynghrair yn Wenfflam!

2008-05-07T12:18:00.000-07:00

Mae gen i rhyw flys cychwyn reiat ar Blas Kynaston tymor nesaf. Dim byd personol yn erbyn Clwb Peldroed Derwyddon Cefn na dim felly, ond ymddengys yn ol be sy'n cael ei ysgrifennu dros y dyddiau diwethaf, ei fod yn ddyletswydd arnaf fel ffan Dinas Bangor i godi miri ar gaeau Peldroed ein cenedl. Wrth gwrs, da ni gefnogwyr i gyd yn foch!

Wel, unai hynny neu mae hanner dwsin o gefnogwyr ifanc a llai pwyllog y clwb, wedi gwneud chydig o firi ar ol sgorio gol ar ol 91 munud a hanner mewn Ffeinal.

Fyswn i licio meddwl fod cefnogwyr Bangor ymysg y gorau a fwyaf tryw yn holl Byramid Peldroed Cymru. Does fawr o glybiau arall yn mynd a chefnogaeth oddi-cartref o gwbl, heb son am fod gyda'r gallu i fynd a dros 1,000 o gefnogwyr i unrhyw gem. Rwan, ymysg y 1,000 yna, mae'n debyg fydd un neu ddau o leiaf (yn enwedig o gysidro amseriad y gem a.y.b) yn bach o ffyliaid beth bynnag, a hwythau wedi meddwi hefyd, wel, mae'r llyniau yn dweud y cyfan.

Ydi'r pobol yma'n idiots llwyr? Wel, ydyn heb os nac oni bai. Roeddwn i ymysg y 1,000+ yna b'nawn Sul oedd wedi darganfod ffordd i gadw ein gorfoledd y tu ol i'r llecyn. Ond dyna ni, dydi pawb ddim mor ffodus. A'i bai Ken Jones a gweddill cyfarwyddwyr y clwb ydi hi fod rhai pobol ddim? Mae'n debyg wrth fod yn gefnogwyr (am y dydd o leiaf) y Clwb, fod chydig o'r baich yn gorfod disgyn ar y Clwb ei hun.

Ond gwahardd y Clwb rhag chwarae yn Ewrop? Yn ol ambell ffynhonell ar y we, dyna'n union ddylai ddigwydd.

Nonsens llwyr!

Y gem ei hun? Ar ol camddehongli'n union pa mor bell ydi'r Drenewydd o Rhuthun, stopio i bysnesu ar Faes y Seintiau Newydd, ac yna cael trafferth ffendio Parc Latham, o'r diwedd fe gyrrhaeddais y maes fel roedd nodau olaf Hen Wlad fy Nhadau yn cael eu chwarae. Roedd sawl wyneb anghyfarwydd yno, ond balch oedd gen i weld yr un hen wynebau sy'n cyd-rewi ar gaeau oer Cefn Mawr a Chaernarfon yn y Gaeaf!
Erbyn hanner amser roeddwn wedi penderfynnu ein bod am golli hon, gan fod cymaint o gyfleon wedi'i gwastraffu. Siawns byddan ni'n talu am hyn?
Fe aeth yr ail hanner yn rhy sydyn o lawer, yn enwedig ar ol ail gol Griffiths. Bron i mi a cherdded allan cyn y chwiban olaf, ac erbyn hyn, yn hynod falch wnesh i ddim! Roeddwn yn grediniol fod siot Chris Seargant am fynd dros y trawst tan iddo daro cefn y rhwyd bron a bod! Mae gen i fawr gywilydd edrych ar fy hun yn neidio fynny a lawr fel ffwl ar y 'footage'!

Gret o ddiwrnod a dweud y gwir, un wneith aros yn y cof am amser hir, am y rhesymau cywir gobeithio.

We Welcome Our English Reps. Cardiff City!

2008-04-24T13:43:00.001-07:00

Daeth newyddion drwg i Beldroed Cymru allan o Sgwar Soho yn Llundain heddiw. Wrth gwrs, bydd cefnogwyr yr Adar Gleision yn dathlu y bydd modd iddynt gael chwarae yn Ewrop gan gynyrchioli Lloegr os maen't yn curo Portsmouth yn ffeinal Cwpan Lloegr. Ond lle mae hyn yn gadael gweddill clybiau Cymru sy'n chwarae ym Mhyramid Lloegr? Siawns na fydd Wrecsam yn debygol o gyrraedd Wembley am amser maith, tra buasai siawns lawer gwell iddynt (neu hyd yn oes Casnewydd o bosib) ennill Cwpan Cymru a gweld Pel-droed Ewropeaidd nol ar y Cae Ras (heb gyfri gemau Bangor yr haf 'ma wrth gwrs). Bydd hi'n 80 mlynedd arall cyn i rhywyn arall gyfiwnhau camp Caerdydd yn 1927? Mae'r geiriau Long term pain for short term gain yn dod i'r meddwl.

Newidiadau Difyr

2008-04-16T14:33:00.000-07:00

Da oedd gen i glywedd fod Clybiau Uwchgynghrair Cymru wedi pleidleisio dros ail-strwythuro'r Gynghrair mewn cyfarfod yng Nghroesoswallt b'nawn Sul. Y newyddion mwyaf syfrdanol i mi, yn bersonol, ydi fod 7 clwb wedi datgan yn syth eu bod o blaid newid y tymor o'r un presennol, i un sy'n chwarae yn ystod tymhorau'r Haf. Dwy flynedd yn ol, pan gafodd y syniad ei drafod diwetha', dim ond dau glwb oedd o blaid.

Be ydi'r rheswm dros y newid mawr yma dywedwch chi? Sgen i'm syniad a dweud y gwir, ond mae'n amlwg fod y cadeiryddion yn gweld fod angen newid drastig. Dwi'm yn credu fod eu bod yn bell o'u lle yn meddwl fod angen newid i'r Gynghrair symud yn ei flaen, a mae hon yn un o restr maith o bethau a gellid ei wneud i newid pethau.

Dywedodd Cadeirydd Llanelli, Nitin Parekh:

"As a Club we fully support the 10 team divisions and summer football. Note that two years ago when summer football was put to a vote, only 2 clubs voted in favour. Now there are 7 with quite a few rethinking their position on the issue. It makes great sense all round and I am hopeful that the decision will be in favour at the next vote. There are a lot of issues to discuss regarding implementation of the various ideas but please remember that this was done in Ireland so we do have a blue print to follow. The big issue is to how to generate more interest in the game in Wales and to get more broadcasters to take more than just a cursory interest. I am hopeful that the clubs will get together again in the next couple of months to address this issue - summer football is an integral part of this value proposition. "

Dwi'n fodlon iawn gyda'r cynlluniau uchod, ac yn fwy balch hyd yn oed, fod y testun o Beth sy'n fy mhryderu i fwy na dim, ydi'r syniad o 'Adran 2'. Siawns fydd clybiau fel Porthmadog, Caernarfon, Caersws a.y.b yn debyg o golli swm sylweddol o arian drwy ddisgyn i lawr i'r gynghrair hon? Bydd, mi fydd na gyfleon i gadw'r tymor yn ddiddorol gyda'r syniad o gemau ail-chwarae, ond lle bydd y clybiau hyn heb yr elw a wneid o'r gemau darbi mwyaf? Bydd y costau teithio yn parhau i fod yr un fath siawns?

Pam ddim defnyddio system debyg i'r Cynghreiriau Blue Square yn lloegr, gyda 'Cynghrair Cymru Gogledd' a 'De' yn cyflenwi'r brif uwchgynghrair? Er enghraifft, yn y Gogledd fe ellid edrych rhywbeth tebyg i hyn:

Caernarfon,
Porthmadog,
Prestatyn,
Airbus,
Caergybi,
Llangefni,
Cei Conna,
Derwyddon Cefn
Y Bala,
Gap Queen's Park

Y ffordd yma, byddai'r goreuon o'r Cynghrair Undebol yn cael eu symud i fynnu i lenwi'r gynghrair, ond gyda'r teithio'n lawer llai hefyd, byddai'r costau lawer is. Mae na ddipyn o gemau darbi yno hefyd, a fysa'n mynd rhywfaint o'r ffordd i leihau'r golled o gemau mawr Bangor, Y Rhyl, TNS ac ati.

Mi fydd y Prif Gynghrair Cenedlaethol, 10 Clwb, yn gwella'r safon, heb os yn fy marn i. Mae o wedi gwella safon Cynghrair yr Eircom yn Iwerddon drwy ail-strwythuro, a does dim os gen i y bydd hyn yn gwella pethau rhywfaint o leiaf. Iawn, bydd y system yng Nghymru byth yr un cryfaf yn Ewrop, ond o leiaf bydd mwy o gyfleon.

Parti Tre'r Sosban

2008-04-13T03:53:00.000-07:00

Llongyfarchiadau i Lanelli am sicrhau eu pencampwriaeth cyntaf. Does dim anmau mai nhw sydd 'di bod y tim gorau dros gydol y tymor, a phob lwc iddyn nhw yn eu ymgais i gyrraedd ail rownd rhagbrofol Cynghrair y Pencampwyr.

Unwaith Mewn Bywyd

2008-04-08T14:01:00.000-07:00

Dwi'm yn cofio os i mi son am y Rhaglen Ddogfen/Ffilm yma o'r blaen, ond gyda'r tymor Peldroed yn yr UDA newydd ail-gychwyn, mae hi 'run mor ddilys ac erioed. Dyma glip ohoni isod, dwi'n ei awgrymmu'n fawr!

Cyffrous ta be?

2008-04-08T13:29:00.000-07:00

Fel rywyn sydd fel arfer yn casau Cynghrair y 'Pencampwyr' a phopeth mae'n sefyll amdani, mae rhaid i mi gyfaddef mwynhau ail hanner Lerpwl yn erbyn Arsenal. Tydi gemau o'r fath a'r heip o'u hamgylch ddim yn fy nghyffroi fel arfer, ond wrth gymyd y gem fel ac y ma'i, does dim posib ond cael eich amsugno fewn ar adegau.

Mae na ddigon o faterion difyr arall ar y meysydd ar hyn o bryd, sicr yn bennaf oll ydi Caerdydd yn cyrraedd Ffeinal Cwpan Lloegr. Rhaid eu llongyfarch ar y gamp hon, a roedd gol Ledley yn un wnes ei mwyhnau'n fawr. Yn sicr bydd diwrnod arall gwerth chweil i'w gael yn Wembley, er na fydd pawb oedd yn bresennol yna b'nawn Sul, yn gallu bod nol yn eu seddi mewn Mis.

Mae gen i lot i'w ddweud ynglyn a sefyllfa wleidyddol yr holl beth, a dweud y gwir, y llanast wleidyddol. Er hyn, credaf wnai eu cadw o dan fy het am sbel o leiaf. Dwi'm yn credu y byddai'n sioc enfawr i lawer ohonoch fy safbwynt chwaith!

Mae'r gair olaf yn gorfod mynd i Langefni. Roedd llawer yn datgan eu bod i lawr ers misoedd, ond roeddwn yn credu fod hi dal ddigon tynn yn y gwaelod i'r Dazzlers allu codi eu hunain i fynny. Rwyf yn falch i ddweud fy mod yn iawn yn hynny o beth, a bydd hi'n gem hynod ddifyr ar Lon Talwrn nos Wener yn erbyn Bangor dwi'n siwr.

Bechod na fysai'n bosib adrodd stori debyg am Wrecsam ynde?

Be ddysgon ni?

2008-03-28T16:44:00.000-07:00

Stade Jozy Barthel, Lwcsenbwrg, Buddugoliaeth arall. Dwi ddim yn siwr iawn be ddysgodd Tosh, nos Fercher, heblaw fod y garfan ddim mor ddofn ag y gall hi fod. Iawn, fe guron nhw'r gem, ond roedd na ddigon o enghreiffitau o gamgymeriadau lle byddai tim gyda mwy o safon wedi cymryd mantais ohonynt. Braf gweld un neu ddau gwyneb newydd yn gwneud ymddangosiad cyntaf, serch hynny.
Buddugoliaeth gwbl, gwbl dyngedfenol i'r tim o dan 21 allan ym Mosnia. Ar gae sobor yr olwg, llwyddodd hogia ifanc Brian Flynn i ddod o gol i lawr i enill hi yn y munudau olaf. Edrych yn dda am enill y grwp, gyda ond un buddugoliaeth mewn dau gem yn erbyn Rwmania ei hangen. Gem yn erbyn Lloegr i'r tim ydi'r dyddiad pendant nesaf yn y celendr rhyngwladol, gyda thorf parchus yn bresennol ar y Cae Ras gobeithio.

Penwythnos difyr eto i Beldroed domestig yng Nghymru. Gall Bangor sicrhau lle yng Nghwpan UEFA y tymor nesaf os maen't yn gallu curo YMCA Casnewydd, a dibynnu ar Llanelli (gan dderbyn eu bod am enill y gynghrair) i guro Rhyl yn y gem byw ar S4C b'nawn Sul. Bydd Wrecsam angen o leiaf pwynt ddudwn i hefyd. Mae na lot o beldroed dal i'w chwarae!

Digon i Chwarae Amdani

2008-03-16T08:25:00.000-07:00

Roedd hi'n ddiwrnod ddigon cymysg i'r Clybiau Cymreig yng Nghyngreiriau y Nationwide ddoe. Fe gafodd Wrecsam fuddugoliaeth werthfawr arall drwy drechu Bury o ddwy gol i un, a mae pethau'n edrych yn lawer mwy positif ar y Cae Ras erbyn hyn. Er fod y timau uwch eu pennau yn parhau i gael canlyniadau da, mae'r ffaith fod Wrecsam yn parhau i enill yn arwydd da, siwr i fod?

Mae Abertawe, ar y llaw arall, wedi gweld eu mantais ar frig Adran 1 wedi'i dorri o 14 pwynt i lawr i 6 pwynt. Er mod i dal methu gweld y Swans yn methu a enill dyrchafiad awtomatig, mae'r perygl yn siwr o fod yno o hyd, gan fod Carlisle a Doncaster ill dau ar 68 pwynt. O bosib mae tim Roberto Martinez wedi gollwng fynd arni ychydig, a rhaid canolbwynio ar enill y Gynghrair hon cyn dim arall.

Mae'n amlwg mai canol y tabl bydd tynged Caerdydd am weddill y tymor. Mae eu bryd yn amlwg ar Gwpan F.A Lloegr, ac i fod yn onest, pwy all eu beio? Mae'r gwobrau ariannol am gyrraedd y Rownd derfynnol yn hael, ac wedi rhoi hwb angenrheidiol i dymor a oedd yn mynd i nunlle.

Mae gen i fy mhryderon am drywydd Caerdydd yn y gystydleuaeth, serch hynny. Dwi'n gwybod mai nid Clwb Caerdydd sydd wedi gwthio'r agenda, a mai gwaith y cyfryngau Cymreig yw hyn i gyd bron. Ond eto'i gyd, mae'n ddigalon gen i weld y posibilrwydd bod clwb Cymreig yn gallu cynyrchioli Lloegr mewn cystydleuaeth Ewropeaidd.

Dwi'n credu fod lot o ddrwg yn cael ei wneud i'r ymgais o gael Cwpan Cymru yn ei ol, wrth wthio'r agenda 'ma gyda Platini, fel mae'r Gymdeithas Bel-droed Gymreig wedi gwneud yr wythnos yma. Roedd trafodaethau wedi'i bwriadu i drafod gyda UEFA, i alluogi'r alltudion i gyrraedd Cwpan UEFA drwy enill Cwpan Cymru. Ond rwan, ymddengys mai'r prif bwnc dan sylw ydi Caerdydd a Chwpan F.A, ac i fod yn deg, faint fydd hi eto tan bydd clwb Cymreig mewn sefyllfa debyg? Mae ganddynt siawns llawer gwell o enill Cwpan Cymru, a chystadlu yn Ewrop llawer mwy rheolaidd. Mae angen edrych ar y llun ehangach yma.

Trwbl ar y Top?

2008-03-09T14:29:00.000-07:00

Mae'n edrych yn ddifyr ar frig Uwchghynghair Cymru ar y funud, gyda Llanelli yn agor mantais ar y Seintiau Newydd. Mae rhaid dweud mai tim Peter Nicholas ydi'r ffefrynnau ar hyn o bryd, er bod ganddynt siawns o enill tair cwpan arall cyn ddiwedd y tymor.

Os mae Llanelli yn mynd ymlaen i enill y bencampwriaeth a chynyrchioli Cymru yng Nghynghrair y Pencampwyr, mae hyn yn gadael y Seintiau mewn sefyllfa ddigon diddorol. Yn ol ambell i si, mae Mike Harris yn bwriadu torri cyllid y tim yn sylweddol, a dod i ben a'u statws llawn-amser. Er y sion yma, allai ddim gweld hyn yn digwydd fy hun. Mae'n ddigon posib fod Mike Harris am dorri'r cyllideb, ond mae'n amlwg lle ellir ei dorri rhywfaint. Ymddengys fod ganddynt 20 chwaraewr llawn amser yn y garfan ar hyn o bryd, yn ogystal a academi sydd wedi ei leoli neupell o Groesoswallt. Onid, un o prif resymau'r clwb dros benderfynnu peidio a chynnig cytundeb newydd i Ken McKenna, oedd yr awch i weld mwy o hogia'r academi yn dod drwy'r system, yn hytrach na'r gor ddibyniaeth ar chwaraewyr Glannau Mersi oedd McKenna i'w weld yn ffafrio?

Wrth roi 2+ 2 at eu gilydd, a chydig o ddarogan personol, yn fy nhyb i be y gwelir ar Neuadd y Parc tymor nesa ydi gostyngiad o chwaraewyr llawn amser lawr i rhyw 13-14, gyda chwaraewyr yr academi yn llenwi'r bylchau yn y garfan wedyn.

Rheswm arall yn fy nhyb i na welwn ni dranc y clwb o'r Gororau, ydi yn ddigon syml, maint y buddsoddiad sydd wedi'i roi fewn i'r clwb yn ddiweddar. Fe gostiodd Neuadd y Parc dros £3.5m i'w adeiladu, yn ogystal a grant o bron i £500,000 ar gyfer y cae artiffisial. Dydi hyn ddim yn newid man o bell ffordd, a ffolineb ydi adeiladu maes Pel-droed gyda cynlluniau ar gyfer 3,000 o seddi heb gael tim i sicrhau lle'r clwb yn Ewrop bob tymor. (Er, dwnim lle mae'r eisteddle newydd 'ma os mae nhw ei hangen ar gyfer Mehefin/Gorffenaf!)

Yn wahanol i mwyafrif cefnogwyr yr Uwchgynghrair, mae gen i rhywfaint o edmygedd tuag at Mike Harris a beth mae wedi'i wneud gyda TNS. Do, mae wedi amddifadu Llansantffraid o'i Glwb i bob pwrpas, ond eto'i gyd mae wedi dod a llawer o sylw i'w Glwb a'r Gynghrair (Sylw oedd ddirfawr ei angen ar adegau). Yn bennaf oll, er hynny, ydi'r ffaith ei fod yn entreprenaur. Rhywbeth fysa ni gallu'i wneud efo mwy ohonynt ym Mheldroed Cymru weithiau.

Alltudion yn Ol?

2008-02-29T10:03:00.000-08:00

Ers y cyhoeddiad fod y BBC am ddiddymu'r Cwpan Cenedlaethol, mae'r Western Mail wedi bod yn arwain yr ymgyrch i alluogi'r Alltudion i chwarae yng Nghwpan Cymru unwaith eto.

Er hyn, dydi aelod blaenllaw o Fwrdd Rheoli y Rhyl ddim yn hapus gyda'r cynlluniau. Yn ol Doug Mortimer, Prif Gyfarwyddwr y Clwb:

"The feelings of Rhyl Football Club are that if the 'big three' are admitted back into the Welsh Cup it could sound the death knell of the Welsh Premier. The timing of the announcement of this idea is, to say the least, insensitive, coming 24 hours after the announcement that the FAW Premier Cup will cease to exist after this season.
"This is denying clubs revenue, which is much-needed because we don't get the support of the FAW. The league will also probably be losing a place in Europe and the benfits that brings - and to lose possible money from the Welsh Cup is a further blow to ambitious clubs in Wales. We honestly feel clubs will turn around and say 'What is the point?' The incentive for clubs to work harder to improve the stadia, to improve conditions for the spectators and to improve playing performances will disappear if we don't get the support from the FAW in some form or another.
"Directors are all part-time, we all have other lives to lead, and we're having to work harder and harder to meet the whims of the FAW."

Er mod i'n deall sefyllfa Mr Mortimer i raddau, mae 'na ffordd llawer mwy positif i edrych arni hefyd. Fel cefnogwr Bangor, braf byddai edrych ymlaen am drip i'r Cae Ras ar ol dod allan o'r het i wynebu Wrecsam, neu gem gartref broffidiol i'r clwb yn erbyn Caerdydd. O bosib hefyd, byddai'r gystydleuaeth yn ennyn diddordeb y cyhoedd gyda'r wobr o le yn Ewrop i'r enillwyr.

I raddau helaeth, byddai gem yn erbyn un o glybiau mwyaf Cymru yn golygu llawer iawn mwy o arian drwy' giat, yn arbennig wrth gysidro fod y costau teithio mor isel o'u cymharu gyda gem yn Nwyrain Ewrop er enghraifft.

Er hyn, y peth pwysicaf am rwan ydi fod David Collins o'r gymdeithas Bel-Droed yn eistedd lawr gyda Michel Platini i drafod y mater hon unwaith ac am byth. Mae hon yn stori sy'n dod i'r fei bob ychydig fisoedd, a mae angen ateb os oes dyfodol i'r alltudion yn Ewrop fel un o gynyrchiolwyr Cymru neu'i peidio.

Be ddim i wneud...

2008-02-26T14:59:00.000-08:00

Dyma enghraifft o be ni ddylech ei wneud tra rydych gol i lawr gyda chydig funudau ar ol. Da'r 'ogyn Tainio! :)

Anhygoel!

2008-02-26T04:38:00.000-08:00

Bu bron i mi dagu wrth ddarllen sylwadau Chris Bryant yn y Western Mail heddiw. O bosib, byddai Mr Bryant yn hoffi gweld y statws hollol anffafriol sydd yma yng Nghymru, cyn cychwyn cymharu gyda'r sylw mae tim Lloegr yn ei gael.
Does bosib fod na le i edrych ar y dyddiau o sylw sydd yna i gemau Rygbi Cymru, sy'n chwarae'r 'run timau bob blwyddyn i bob pwrpas, i'w gymharu gyda'r sylw cymharol bitw mae Pel Droed yn ei dderbyn?

Dim Mwy o'r Cwpan Cenedlaethol

2008-02-25T10:02:00.000-08:00

Ar ol buddugoliaeth Tottenham yn ffeinal Cwpan Carling ddoe, roedd hi'n anochel y byddai rhywbeth yn fy nhynnu nol i'r ddaear.

Y newydd hwnnw oedd y siom fod y BBC wedi penderfynnu dod a'r Cwpan Cenedlaethol i ben ar ol y tymor yma. Er, doedd hyn fawr o sioc chwaith.

Roedd y Cwpan hon yn ffynhonell hollbwysig o incwm ar gyfer sawl o Glybiau'r Cynghrair Cenedlaethol, yn ogystal a'r '3 mawr' o bryd i'w gilydd hefyd. Roedd yr £100,000 a dderbyniodd Wrecsam ar sawl achlysur ar ol ei enill, yn ffactor mawr i sicrhau dyfodol y clwb, a oedd mor fregus ar fwy na un achlysur.
Y rheswm tydw i ddim wedi fy synnu, serch hynny, ydi agwedd un neu ddau o'r clybiau tuag at y gystydleuaeth yn ddiweddar. Mae rhyw driciau bach fel Caerdydd yn cyhoeddi gemau yn y gystydleuaeth fel rhai i'r ail-garfan ac yn gyrru'r is-reolwr i'w hyfforddi ar eu cyfer, wedi'i is-raddio. Mae hefyd Abertawe (sydd wedi bod yn dryw iddo ar y cyfan) eleni, yn gyrru tim o ieuenctid a'r ail-dim, yn gic arall i gystydleuaeth oedd yn cael trafferth gwneud marc fel yr oedd hi.
Dwi'n cael yr argraff weithiau, fod rhai cefnogwyr Caerdydd (a dwi'n pwysleisio ar 'rhai') yn ymfalchio yn y ffaith eu bod yn gweld y gemau hyn fel rhai is-raddol, ac yn cymryd pob cyfle posib i'w wneud yn destyn sbort. Wel, dwi'n cofio adeg ddim mor bell yn ol, pan fyddai Caerdydd wedi bod yn ofnadwy o ddiolchgar i dderbyn siec o £100, neu hyd yn oed £50,000.
Ond dyna ni, mae'r sefyllfa sydd gennym heddiw yn golygu fydd Clybiau Cymru dros £300,000 tlotach o dymor nesaf ymlaen. Dydi hyn ddim yn newydd da, boed bynnag eich teimladau amdani.

Kenny Mac yn Gadael

2008-02-19T04:46:00.000-08:00

Daeth newyddion difyr i'r golwg ddoe fod Ken McKenna am adael y Seintiau Newydd ar ol dros 10 mlynedd o wasanaeth fel Chwaraewr a Rheolwr. Ar ddiwedd y tymor bydd hyn yn digwydd, a mae'n debyg mai'r prif reswm dros yr ymadael ydi awch Mike Harris i weld y Clwb yn dennu gwell torfeydd drwy ddefnyddio mwy o chwaraewyr lleol.
Rwan, does ddim os nac oni bai nad ydi McKenna a'i staff wedi ffafrio chwaraewyr o ardal Leprwl a Birkenhead dros y blynyddoedd, a hawdd iawn mae wedi bod eleni iddynt chwarae 11 cyntaf o Sgowsars. Er hyn, does dim anmau gallu'r Dyn, a gyda tim llawn amser neu pheidio, mae hi dal yn anodd enill Pencampwriaethau tymor ar ol tymor. Dwi wedi synnu nad oes yr un tim o'r Gynghrair wedi dod mewn amdano yn barod, ond efallai bydd ei gyfle yn dod tymor nesa.
Mae sibrydion lu yn barod bydd Harris yn dod ac enw mawr i fewn i lenwi'i esgidiau yr Haf yma. Ysgwn i pwy fydd o?

Rhamant y Gwpan

2008-02-16T08:54:00.000-08:00

Mae'n dda gen i weld fod Rhamant dal yn bodoli yng Nghwpan F.A Lloegr. Tra fod y cyfryngau yn parhau gyda'r sylw di-baid i un o gemau mwyaf diflas y rownd, sef Manchester United v Arsenal, yn Anfield mae newyddion mawr y dydd wedi digwydd. Holl bwynt y Gwpan ydi fod timau o bob safon yn cymryd rhan, a mae gemau fel hyn yn cymryd lle o'i herwydd. Chwarae teg i'r Tykes am ein hatgoffa ni o hyn, fel y gwnaeth Havant yn y rownd blaenorol.

Man U yn erbyn Arsenal? Pah!

15 Mlynedd

2008-02-09T07:20:00.000-08:00

Mae Uwchgynghrair Lloegr yn 15 oed eleni. I ddathlu'r ffaith honno, mae'r Gynghrair yn trafod a oes posib symud rhai gemau dramor. Syniad hurt? Wel, un uffernol yn fy marn i!

Ond, does ddim modd dadlau nad ydi'r gynghrair honno wedi datblygu'n eithriadol ers y diwrnod cyntaf hwnnw yn Awst 1992. Yn 1992, yr Eidal oedd Y lle i fod. Bellach, mae'n ddigon teg dweud mai cynghrair Lloegr ydi ble mae llawer o chwaraewyr gorau'r byd yn ei anelu tuag ati, ac heb os, y cynghrair mwyaf proffidiol yn y byd.

Yn ddigon difyr, yn Mis Awst 1992 roedd yna Gynghrair arall yn cychwyn am y tro cyntaf hefyd, nid neupell o Loegr. Yr un honno oedd y Cynghrair Cenedlaethol, neu erbyn heddiw, Uwchgynghrair Cymru. Ydi honno wedi datblygu gymaint yn y 15 mlynedd diwethaf?

Mae 'na lawer o bethau'n bod ar Uwchgynghrair Cymru yn 2008. Un o'r prif broblemmau sy'n ei gwynebu ydi ei chanfyddiad gan y cyhoedd. Anghyson yw'r sylw mae'n ei chael ar y cyfryngau yng Nghymru, heb son am y Cyfryngau Cenedlaethol Brydeinig. Mae canlyniadau'r Sadwrn yn cael eu cyhoeddi ar Sky Sports a Final Score ar y BBC. Maen't hefyd yn cael eu cyhoeddi ar BBC Radio Cymru a Radio Wales, gyda gohebydd mewn ambell i gem yn dod a'r diweddaraf. Mae'r darpariaeth leol led-led y wlad yn ddibynnol ar agwedd y darlledwr.

Ar y teledu, mae'r Cynghrair efo rhaglen gylchgrawn hanner awr o hyd bob nos Sadwrn. Does dim sylw ar y Teledu Saesneg, ond mae'r Clwb Peldroed yn cael ei ganmol ar y cyfan gan Gefnogwyr Cymraeg a Saesneg eu hiaith. Yn ogystal, mae uchafbwyntiau swta ar gael ar y rhaglen 'Sgorio', sydd gyda apel eangfrydig, tu allan i Gymru hyd yn oed.

Yn nhermau darlledu, mae'r Gynghrair yn derbyn sylw teg. Dwi'n credu yn bersonol mai'r dyddiau pan roedd 'Gol' yn cael ei ddarlledu ar S4C oedd uchafbwynt ei ddarlledu yng Nghymru. Roedd honno'n raglen maith oedd yn rhoi mwy o sylw i'r gemau oherwydd natur hirach y rhaglen.

Mae'n biti i raddu nad oes unrhyw sylw o gwbl yn cael ei ddarlledu drwy gyfrwng y Saesneg, gan fod canran uchel o Gymry sydd ddim yn siarad/deall yr iaith. Ond ar y cyfan, mae'r sylw ar S4C yn ddigon teg.

Tra'n gwrando ar Bodlediad swyddogol Uwchgynghrair Cymru yn gynharach, daeth trafodaeth am Gytundeb teledu newydd y Gynghrair. Yn ol y Gytundeb newydd hwnnw, bydd isafswm o 7 gem byw yn cael eu darlledu bob blwyddyn ar S4C. Mae hyn yn naid eitha sylweddol, a rhaid llongyfarch y Gymdeithas Bel Droed, ac S4C am gytundeb mor hael i'r pyramid Cymreig.
Mae'n fwyaf tebyg bydd y tender yn mynd allan i gynhyrchwyr annibynol i greu'r rhaglen ar ran S4C. Un o'r cwestiynnau mwyaf ydi pryd ydi'r amser gorau i ddarlledu'r gemau yma? Yn y gorffenol, mae sawl amser gwahanol wedi'i defnyddio, fel P'nawn Sul, Nos Sadwrn a Nos Wener.

Yn fy marn i, dylai'r gemau hyn gael eu darlledu ar Nos Iau (heb gemau Cwpan UEFA) neu Nos Sul. Mae'n bwysig nad ydi gem byw yn cymryd lle ar yr un amser a mae gemau arall yn y Gynghrair yn cael eu chwarae, er mwyn sicrhau fod y torfeydd hynny mor uchel a sy'n bosib. Mae hi hefyd yn aruthrol bwysig nad yw'r gemau yn cymryd lle ar yr un amser a gem Premiership byw ar Sky, neu beth bynnag. Yn fy hanes i o weld gemau byw, mae'r torfeydd yn gallu bod yn wael iawn ar gyfer gemau Nos Fercher pan mae Cynghrair y Pencampwyr ymlaen, neu P'nawn Sul pan mae Lerpwl neu Man Utd ar y teledu.

Dwi'n edrych ymlaen i weld beth fydd cynlluniau tymor nesa'. A fydd hi'n bosib bod rhaglen gylchgrawn fel Gol yn dod yn ol? Roedd Amser Cinio yn amser delfrydol am raglen o'r fath, ac er nad oeddwn ddigon hen ar y pryd, gallaf fentro fod sawl un yn nyrsio ambell 'Hangover' gyda Tref y Bari yn eu hanterth ar y sgrin!

Cymru 3:0 Norwy

2008-02-08T14:01:00.000-08:00

Ar gae eithriadol wael, ar noson oer o Chwefror, wnaeth Cymru chwarae fel 11 arwr i sicrhau chwip o ganlyniad. Oce, tydi Norwy ddim am enill Cwpan y Byd unrhyw amser yn fuan, ond does rheswm nad ydi canlyniad o'r fath yn ddigon i fod yn falch ohoni?

Mae'n anodd pigo allan unigolion i fod yn berffaith onest. Mi oedd na 4-5 o chwaraewyr a oedd yn llawn haeddianol o chwaraewr y gem. Roedd fel petae y tim hon, heb fawr o wynebau cyfarwydd i'r cefnogwr cyffredin, yn chwarae'n well heb y 'ser'. Be goblyn oedd Carl Fletcher yn ei wneud o fewn 10 llath i gwrt cosbi y gwynebwyr? Roedd Chris Gunter yn taranu lawr asgell dde fel petae wedi chwarae i Gymru am flynyddoedd, ac Eastwood yn cael hwyl arni yn rheoli'r-rheng flaen.

Yn amlwg bydd pob gem ddim fel hyn, a does dim pwyntiau ar gael am gemau Cyfeillgar. Ond duwcs annwyl, mae rhaid i gefnogwyr Pel-Droed Cymru gael y cyfle i wneud y gorau o'n buddugoliaethau, os yn unig i gadw Rygbi i ffwrdd o'r tudalenau-ol am ddiwrnod ;)

Dylan Hughes : O Vancouver i'r Rhyl

2008-02-01T02:45:00.000-08:00

Mae Dylan Hughes, gynt o Kaiserslautern a Newcastle United wedi arwyddo i'r Rhyl. Hen Pro yn chwilio am geiniog ar ddiwedd ei yrfa medda chi? Wel, ddim tro 'ma. 23 ydi Dylan, a mae'n anodd dadlau ei allu. Roedd yn chwarae i VVV Venlo yn yr Iseldiroedd y llynedd, a gwnaeth 12 ymddangosiad yno tra ar fenthyg. Mae Venlo yn chwarae yn yr Eredivisie eleni. Gwn i ddim am ei frawd, Kevin, sydd hefyd wedi arwyddo. Ond dipyn o ddychymyg ar y Belle Vue felly?

Mewn newyddion difyr arall o'r ffenestr trosglwyddo, mae'r Seintiau Newydd wedi arwyddo Kevin Townson o Northwich Victoria a Paul Henry o Tranmere. Mae'n pery i mi feddwl faint o ymosodwyr mae nhw ei angen ar Neuadd y Parc. Mike Wilde, John Toner, Jamie Wood, Carl Lamb, Ronnie Morgan a rwan Kevin Townson. Dydyn nhw ddim yn chwarae'r Peldroed mwyaf deniadol ar y gorau, felly duw a wyr be wnawn nhw efo'r rhain i gyd!

Rhywbeth sydd wedi pery poendod meddwl i mi, ydi pam fod Llangefni wedi sacio'u rheolwr ddiwrnod cyn i'r ffenest drosglwyddo gau? Mi oedd hi'n amlwg o'r cychwyn y byddai Kevan yn dod a'i chwaraewyr ei hun i fewn, pam y syndod pan arwyddwyd y Sgowsars i gyd o Fae Colwyn? Er, os mae rhywyn am gadw'r 'Dazzlers' i fynny, Bryan Owen ydi hwnnw.

Blŵs Plas Kynaston

2008-01-24T09:53:00.000-08:00

Mae'n anffodus braidd fod Mr A. Harms o Brestatyn heb ganiatau un o goliau Bangor a chafodd eu di-ystyrru am gamsefyll, nos Fawrth. Oes na rhywyn arall yn cofio ar y Vidiprinter ar Grandstand, pan oedd rhywyn yn sgorio 7 gol mewn gem? Roedd y canlyniad yn cael ei ddilynu gyda'r sgor mewn ysgrifen bras. Rhywbeth tebyg i hyn:

Nottingham Forest 7 ( SEVEN) Derby County 1.

Fyswn i ddim wedi hoffi bod yn gefnogwr selog ar y Baseball Ground bryd hynny!

Tawaeth, dwi'n parablu. Doeddwn i erioed wedi bod i Ffordd Plas Kynaston tan Nos Fawrth. Er hynny, dwi'n falch mod i wedi bod rwan. Mae'n Faes digon taclus, gyda 'Clubhouse' golew a Terras bach handi lawr un ochr o'r maes, dy'n beth digon anghyffredin yn Uwchgynghrair Cymru.

Roedd y gem, ar y llaw arall, wedi gorffen fel cystydleuaeth wedi brin hanner awr ohoni basio. Cafodd Sion Edwards fodd i fyw yn rhwygo drwy amddiffyn y Derwyddon, a roedd hynny'n gadael digon o le i Stott a Davies achosi difrod yn y Blwch Cosbi. Cafodd Chris Mullock yn y gol, noson erchyll. Fyswn i ddim yn licio bod yn esgidiau Waynne Phillips yn ceisio ysgogi'r tim erbyn gem Dydd Sadwrn, yn saff i chi!

Dwi'n addo ysgrifennu fy marn am ddyfodol Uwchgynghrair Cymru yn fuan!

Blwyddyn Newydd Dda

2008-01-09T07:53:00.000-08:00

Ymddiheuriadau am y diffyg Postio diweddar. Dwi wedi symud ty i begwn arall Gogledd Cymru yn ddiweddar, a mae'n anodd iawn ffendio amser i bostio tra nad oes cysylltiad i'r Rhyngrwyd yn y ty!
Yn y cyfamser, byddaf yn edrych ymlaen ar gyfer gem Llanelli yn erbyn Wrecsam, ac yn cadw llygad barcud ar gynlluniau diweddar Alun Evans i gynnwys ail dimau y '3 mawr' yn yr Uwchgynghrair.

Hwyl!

Ond Dw'im Isio Mynd i'r Rhyl!!

2007-12-07T02:32:00.000-08:00

Dyma restr o feysydd Uwchgynghrair Cymru:

Aberystwyth
----------------
Maes: Coedlan y Parc
Tref: Aberystwyth
Yn Dal: 5000
Seddi: 1002

Airbus UK Brychdyn
---------
Maes: Y Maes Awyr
Town: Brychdyn
Yn Dal: 1000
Seddi:500

Bangor
------------
Maes: Farrar Road
Tref: Bangor
Yn Dal: 3200
Seddi: 740

Caernarfon
---------------
Maes: Yr Ofal
Tref: Caernarfon
Yn Dal: 3,500
Seddi: 252

Caersws
-------
Maes: 'Y Rec'
Tref: Caersws
Yn Dal: 2,500
Seddi: 300

Caerfyrddin
---------------
Maes: Parc Waun-Dew
Tref: Caerfyrddin
Yn Dal: 3000
Seddi: 1056

Cei Conna
--------------------
Maes: Stadiwm Glannau Dyfrdwy
Town: Cei Conna
Yn Dal: 3500
Seddi: 420

Hwlffordd
--------------------
Maes: New Bridge Meadow
Tref: Haverfordwest
Yn Dal: 2,000
Seddi: 400

Llanelli
--------
Maes: Parc Stebonheath
Tref: Llanelli
Yn Dal : 3700
Seddi: 680

Llangefni
--------------
Maes: Cae Bob Parry
Tref: Llangefni
Yn Dal: 3,500
Seddi: 250

Castell Nedd
--------------
Maes: Parc Llandarcy
Tref: Neath
Yn Dal: 3000
Seddi: 250

Derwyddon Cefn NEWI
-----------------
Maes: Ffordd Plaskynaston
Tref: Cefn Mawr
Yn Dal: 2000
Seddi: 300

Y Drenewydd
-------
Maes: Parc Latham
Tref: Newtown
Yn Dal: 5000
Seddi: 1250

Porthmadog
----------
Maes: Y Traeth
Tref: Porthmadog
Yn Dal: 4000
Seddi: 500

Port Talbot
----------------
Maes: Stadiwm Remax
Tref: Port Talbot
Yn Dal: 2500
Seddi: 1000

Rhyl
----
Maes: Y Belle Vue
Tref: Y Rhyl
Yn Dal: 3800
Seddi: 1720

Y Seintiau Newydd
---
Maes: Neuadd y Parc
Tref: Croesoswallt
Yn Dal: 3000
Seddi: 250 (I'w uwchraddio i 3,000 )

Y Trallwng
--------------
Maes: Maesydre
Tref: Welshpool
Yn Dal: 1500
Seddi: 250

Fel y mae pethau'n sefyll, bydd Y Trallwng, Derwyddon Cefn, Castell Nedd, Llangefni, Hwlffordd, Caersws, Cei Conna a Chaernarfon, yn cael eu diddymu ar ddiwedd tymor 2008/09. Y rheswm pennaf am hyn yw rheolau newydd trwyddedu UEFA/Y Gymdeithas Beldred, sy'n dod fewn i rym ar ddechrau tymor 2009/10. Prif amcan y system ydi sicrhau fod pob maes gyda 500 o seddi, sef hanner ffordd tuag at maes sy'n gallu cynnal rowndiau cynnar cystydlaethau Ewropeaidd.

Bydd hefyd criteria ynglyn a chryfder y llif-oleuadau, academi, a strwythur mewnol y clwb fel cyfrifon a.y.b yn ran o enill y trwydded priodol. Heb y trwydded hwnnw, bydd ddim modd cystadlu ym yr Uwchgynghrair.

Ar y cyfan, mae'r Meysydd yn gwella. Mae TNS yn bwriadu adeiladu eisteddle sy'n dal 3,000 erbyn diwedd y tymor, a mae Nantporth ar ganol cael ei adeiladu ar gyrion Dinas Bangor. Yn ogystal, mae Cei Conna a'r Trallwng yn son am adeiladu meysydd newydd yn y dyfodol agos, tra mae Derwyddon Cefn dal i drafod.
I'r clybiau eraill sydd ddim yn cyrraedd y nod ar hyn o bryd, golyga hyn fwy na dim, fod angen adeiladu unai eisteddle ychwanegol sy'n dal tua 250 o gefnogwyr, neu hyd yn oed chwalu'r strythur presennol ac adeiladu un o'r newydd fel y gwnaeth Caerfyrddin yn ddiweddar.

Mae angen gwella'r meysydd, mae hi mor syml a hynny. Mae'r Gymdeithas Beldroed yn cyfrannu grant 70% tuag at y gwaith o gyrraedd y nod, a dylid gwneud yn fawr o'r cyfle hwnnw. Ar hyn o bryd, does yr run maes ganddom yng Ngogledd Orllewin Cymru sy'n gallu cynnal gemau Ewropeaidd o unrhyw fath. Mae timau fel Bangor wedi gorfod teithio i'r Rhyl a Wrecsam yn y gorffenol, a dyw hynny ddim yn dderbyniol. Bydd Nantporth gyda'i 800 o seddi disgwyliedig, bron a cyrraedd y nod o 1,000. Bydd hwn yn ddigon i lenwi gofynion y clwb a'r gymuned gyfan yn y tymor byr. A duw a wyr, o bosib bydd modd denu timau dan-oed Cymru i chwarae yno rwan ac yn y man?

Drama Ffordd Ffarrar

2007-12-05T04:59:00.000-08:00

Roedd hi'n braf cael bod ar Ffordd Ffarrar nos Wener ar gyfer gem Dinas Bangor yn erbyn Llangefni. 'Sgen i'm syniad pam fod y BBC wedi penderfynnu ei fod yn well syniad gyrru'r camerau i Blas Kynaston er mwyn dangos Derwyddon Cefn yn erbyn y Drenewydd, ond roedd hon yn wych o gem. Roedd y glaw a'r cae Mwdlyd ond yn ychwanegu at y noson, a roedd yn ddigon i'w gyfartalu.

Wnaeth pethau ddim cychwyn rhy wych i Fangor gyda'r diffyg protocol llwyr wrth i Cefni benderfynnu cicio am ochr y 'Farrar End' yn y hanner cyntaf! Er i Bangor ddechrau'n addawol iawn gyda Farai Jackson yn cael digon o waith yn y gol, roedd Chris Jones yn arbennig, yn edrych yn ddigon peryg i Cefni. Ar yr egwyl roedd Bangor gol i lawr, er fod y rheiny yn y brif eisteddle'n ddigon ffyddiog fysa'r 'Nevolution' yn dod ddigon buan yn yr ail gyfnod.

Erbyn yr egwyl fe es i sefyll tu ol y gol yn y 'Farrar End' (ni fydd gyda ni am hir iawn mwyach, er gwell neu gwaeth). Fe ddaeth y tynnu coes disgwyliedig am fod yn fradwr i'm 'ngwreiddiau am gefnogi'r Dinasyddion, ond roedd yr awyrgylch yno'n wych. Roedd cefnogwyr y ddau dim wedi heidio o dan y lloches, tra roedd Terras Sant Paul bron yn wag heblaw am y 'Barmy Army' pybur, sydd wastad yn gwneud digon o swn a chanu ynghanol y glaw, (Rhywbeth sydd angen ei groesawu yma yng Nghymru).

Cefni oedd yn edrych beryclaf yn ystod yr ail hanner, gan ymestyn eu mantais. Roedd Bangor yn or-ddibynnol ar Les Davies druan oedd yn cael trafferth ffendio'i draed, gyda sawl tacl ddadleuol yn mynd i fewn. (Kieron Killackey yn gyfrifol am sawl ohonynt!)

Ddaru sialens ddigon diniwed yr olwg ar Lee Webber ddal fynnu'r gem am gyfnod sylweddol, er nad yw'r anaf mor ddrwg a chredir yn y lle cyntaf, diolch byth. I raddau, roedd hyn yn drobwynt. Gyda'r gem i'w weld yn mynd tuag at fuddugoliaeth ddigon anrhydeddus i Cefni ar y cyfan, daeth Mike Walsh gyda taran o ergyd. Clapio dwylo ddaeth yn hytrach na dathlu ar y teras, siwr o fod doedd hyn ddim mwy na gol gysur? Gwaeddodd cefnogwr Llangefni tu ol i mi rywbeth ynglyn a gadael i gefnogwyr Fangor gael chydig o obaith. Yn anffodus i'r Nostradamus hwnnw, daeth ei broffwyd yn fwy na gwir.

Roedd Llangefni yn chwarae gyda chydig o nerfusrwydd, er roedd Jackson i'w weld digon cyfforddus o hyd. Gyda'r Byddin Glas yn taflu bob dim ymlaen, wnaeth pel uchel achosi dipyn o benbleth yn yr amddiffyn, sydd yn cael eu hadnabod fel un sydd gyda diffyg presenoldeb yn yr awyr. Yn sydyn, roedd hi rhwng Ashley Stott a Farai Jackson yn y gol. Roedd yr oedi gan y golwr yn ddigon i roi cyfle i Stott gael ei ben iddi, a Jackson dal yn nhir neb, ffliodd y bel i gefn y rhwyd fel pe bai am gymryd am byth.

Roedd y golygfeydd o'ng nghwmpas yn swrreal. Roedd na chydig o bobol yn neidio fynnu a lawr, ac eraill gyda'u penau i lawr. Roedd y rhanfwyaf mewn sioc!
Er i Fangor ffendio amser ar ol 97 munud i lunio cyfle neu ddwy a hyd yn oed cic o'r smotyn posib, byddai gol arall wedi bod yn du-hwnt o anheg ar Cefni. Daeth y tim oedd ar waelod y tabl i Ffordd Ffararr i wynebu tim oedd wedi curo'r Rhyl a'r Seintiau Newydd mewn wythnos, a rhoi go go-iawn iddi. Pa mor dda oedd Bangor dydd Sadwrn diwethaf, roeddynt yr un mor sal nos Wener.

Fawr o gysur i Llangefni glywed os wnawn nhw chwarae fel'na bob wythnos mi fyddant yn saff yn y gynghriair, Ond mae'n hollol wir.

Roedd Bangor ar y llaw arall, yn amlwg wedi blino'n lan. Roedd y coesau'n flinedig, ond roedd yr ymenydd yr run mor flinedig, ac yn amlwg yn dim oedd wedi rhedeg allan o syniadau ar ol wythnos ddigon hegar.

Y gwir enillydd oedd Uwchgynghrair Cymru, a cefnogwyr y Gogledd Orllewin. Pam na all bob gem fod fel'na? Gawn ni 800 o gefnogwyr i bob gem plis?

( Tynnwyd y fideo gan wefan y City Blues www.cityblues.co.uk )

Yr Almaen v Cymru

2007-11-27T04:04:00.001-08:00

Whoo-hoo!

2007-11-26T03:12:00.000-08:00

Mi fysa'n hollol esgeulus ar fy rhan i beidio son am yr wythnos sydd newydd basio o swfbwynt cefnogwr Cymru. Roedd gem gyfartal yn erbyn Gweriniaeth Iwerddon yn ganlyniad hollol dderbyniol, yn arbennig wrth gysidro natur y canlyniad a pha mor isel oedd pawb cyn y gem.
Nos Fercher daeth gem gyfartal arall allan yn Frankfurt. Roeddwn yn hollol 'gutted' wedi methu mynd allan i Frankfurt, roedd cyfuniad o amgylchiadau personol a methu ail-drefnu'r teithio o fewn pris rhesymol wedi rhoi stop ar hynny. Fe ddilynais y gem mewn Hostel yn Budapest drwy gyfuniad o wefan y BBC a negesfwrdd OnetouchFootball. Stori hir! O leia bydd trip arall yn cael ei drefnu i'r Almaen o fewn 2 flynedd diolch i ddewisiadau Fifa ddoe.

Er hynny, does ddim os gen i mai arwyr yr wythnos ydi'r tim dan-21. Dau ganlyniad gwych yn erbyn Bosnia a Ffrainc wedi gwneud y posibilrwydd o gyrraedd Sweden 2009 yn un go-iawn. Er hynny, mae rhaid enill y grwp neu fod ymysg y pedwar ail-orau i gyrraedd y gemau ail-gyfle. Bydd 7 tim yn ymuno a'r trefnwyr ym Mis Mehefin 2009. Y Blydi Play-off's ma....

Am wythnos gwych, a dwi heb hyd yn oed son am yr hwyl a gafwyd b'nawn Sadwrn yn gwylio Bangor yn y Belle Vue eto!!

Yr Alltudion

2007-11-13T07:32:00.001-08:00

Mae hi wastad yn ddadl rhwng cefnogwyr Uwchgynghrair Cymru, a'r alltudion, ynglyn a pha system yw'r gorau. Fyddai cefgnogwyr Casnewydd neu Merthyr Tydfil yn siwr o ddadlau fod bod yn rhan o un o systemau gorau'r Byd a chael cyfle yng Nghwpan F.A Lloegr werth chwarae du allan i furiau eich gwlad. Byddai'r rheiny sydd o fewn Cymdeithas Bel-Droed, ar y llaw arall, yn dadlau fod Uwchgynghrair Cymru wedi golygu llawer iawn mwy o sylw i fwyafrif o'i glybiau, ynghyd a rhaglenni teledu cyson a'r cyfle i chwarae yn Ewrop bob tymor.

Mae'n ddadl ddi-ddiwedd, ac eithaf diflas ar adegau. Yr unig ffon fesur sydd ganddom ar gyfer cymharu timau domestig Cymru, a'r timau 'Cymreig' eraill, ydi canlyniadau Cwpan Cenedlaethol Cymru.

Yn ddiweddar, wnaeth Casnewydd guro Bangor o 1-0 ar nos Fawrth ar Barc Spytty. Mae'n eithaf amlwg felly fod Bangor o dan anfantais o'r cychwyn, gyda thaith hir lawr i'r de ar ol hanner diwrnod o waith, mewn sawl achos. Ond y canlyniad sy'n bwysig ar ddiwedd y dydd.

Roedd yn stori ddigon tebyg llynedd gyda Casnewydd yn curo dau Glwb o'r Uwchgynghrair ar eu ffordd i'r rownd derfynnol, lle buont golli i T.N.S, mewn gem eitha un ochrog i'r Seintiau. Fe aethwyd a Derwyddon Cefn Newi i amser ychwanegol cyn i Sam o'Sullivan sgorio i selio'r fuddugoliaeth o 2-1. I raddau, mae hyn yn is-raddio dadl Bangor gynt, er fod y Derwyddon yn dim cymharol wan.

Yn y rownd gyn-derfynnol, aeth hon hefyd i amser ychwanegol cyn i Jason Bowen sgorio i enill, eto, 2 - 1.

Y tro diwethaf i glwb o'r Uwchgynghrair eu trechu (heblaw am T.N.S), oedd Caernarfon yng nghystydleuaeth 2004/05. Sgoriodd Mark Evans unig gol y gem i fynd a'r Cofis drwodd ar yr Oval. Hon oedd y tymor cyntaf heb y system grwpiau. Y tymor blaenorol, y canlyniadau oedd:

30 Medi 2003 Cei Conna 1-1 Casnewydd
7 Hydref 2003 Y Rhyl 1-0 Casnewydd
15 Hydref 2003 Casnewydd 2-0 Lido Afan
4 Tachwedd 2003 Lido Afan 2-5 Casnewydd
12 Tachwedd 2003 Casnewydd 1-1 Cei Conna
17 Tachwedd 2003 Casnewydd 3-0 Y Rhyl

Ar y cyfan, rhaid dweud fod Casnewydd wedi cael y gorau, er nad oes rhyw lawer iawn ynddi yn y pendraw. Rhydd i pawb ei farn am wn i, ond dwi'm yn credu fod yr ystadegau uchod yn profi rhyw lawer iawn. Rhaid i'r hen ddadl fynd yn ei flaen mae arna'i ofn!

Dowch yn llu!

2007-10-29T04:04:00.000-07:00

Cefais ddychwelyd i Ffordd Ffarrar am y tro cyntaf ers ychydig wythnosau ar gyfer y gem Uwchgynghrair yn erbyn Porthmadog, b'nawn Sadwrn. Rhaid i mi ddweud fod Port yn edrych yn dim sydd am godi fynnu'r tabl o dan reolaeth Viv Williams unwaith eto, er iddynt golli o 2-0 yn y diwedd un.

Yr un hen gwestiynnau ynglyn a rheolaeth Clayton Blackmore a ddaeth i'r fei, gyda diffyg paratoi ar gyfer gemau ac o sgil hynny, diffyg ffitrwydd, yn amlwg yn y chwaraewyr yn ol y rheolwr dros-dro newydd. Rhywbeth tebyg gafodd ei grybwyll ym Mangor ar ol i Bleasdale gymryd y llyw. Yn sicr wnaeth o ddim dysgu hynny gan Sir Alex ym Manchester United!

Un peth eitha calonogol, ar y cyfan, oedd tyrfeydd y penwythnos. Roedd dros 500 yn gwylio gem Llanelli, Nos Wener, a bron i 500 ar Ffordd Ffarrar dydd Sadwrn. Roedd bron i 400 ar Blas Kynaston nos Wener ar gyfer y gem rhwng y Derwyddon a'r Rhyl, a thorf o 322 rhwng Hwlffordd a'r Drenewydd. Dwi'n credu fod hyn yn ddigon i brofi fod mwy o gemau ar Nos Wener a gwahanol fentrau ar gyfer denu teuluoedd yn gallu gweithio.

Yn anffodus, yn groes i'r syniad hwnnw, dim ond 92 o bobol oedd ar y Maes Awyr b'nawn Sadwrn i wylio Airbus Brychdyn yn erbyn Caernarfon. Iawn, ddim y gem mwyaf disglair a chwaraewyd erioed, ond 92? Mae timau fel Caergybi yn denu o leiaf 200 ar gyfer bob gem mewn cynghrair is. Mae Llangefni yn denu 250 bob gem, a hwythau yn is na Airbus yn y tabl. Mae Airbus wedi bod yn y gynghrair sawl tymor erbyn hyn, a wedi newid enw'r tim i geisio adenill mwy o gefnogaeth lleol. Yn amlwg dydi hyn heb weithio, a mae angen gofyn os yw trigolion lleol yr ardal yn haeddu lle yn Uwchghynghrair Cymru? Yn sicr mae digon o dimau gyda chefnogaeth golew yn fwy na pharod i gymryd eu lle.

Y Bari v Caernarfon

2007-10-09T13:56:00.000-07:00

Dyma glip o gem Y Bari yn eu hanterth, yn erbyn Caernarfon yn y Cynghrair Cenedlaethol 26/01/1997. Mae'n ddifyr cymharu tim y Barri ar y pryd, i rai TNS a Llanelli. Pa un ydi'r cryfaf?

TNS v Rhyl eto!

2007-10-05T04:25:00.000-07:00

Fe gefais fy synnu rhywfaint gyda ymateb rhai aelodau o fwrdd y Gymdeithas Bel-droed ynglyn a chytundeb darlledu newydd y Gymdeithas gyda S4C. Golyga'r gytundeb newydd yma fod gan S4C yr hawl i ddarlledu gemau rhyngwladol Cymru yn eu cyfanrwydd ar ol y gic olaf, a hawliau ecsgliwsif i Uwchgynghrair a Chwpan Cymru.
Onid yw'n ddyletswydd ar y Gynghrair i sicrhau eu bod yn setlo ar y cytundeb sy'n cynnig y mwyaf o sylw i'r Gynghrair, a mae'n amlwg mai cytundeb S4C oedd hwnnw. Roedd cytubdeb S4C yn gaddo dangos dwywaith y gemau byw a oedd y cynnig arall oedd ar y bwrdd, sef un BBC Cymru, yn ei gynnig. Pa ddewis arall oedd yna?
Erbyn hyn mae posib gwylio S4C unrhywle ym Mhrydain drwy deledu Digidol. Mae posib gwneud hynny drwy BBC2W hefyd, ond mae'n ddipyn mwy tebygol dod ar draws gem os yw ar Sianel 184 na sianel 900 does bosib? Oes, mae na lot o gefnogwyr Peldroed yn ddi-Gymraeg, ond os ydych yn ffan o'r cynnyrch sydd ar gael, does bosib nad ydyw iaith y sylwebaeth yn gymaint o broblem a hynny?

Parhau gyda'r Podlediadau

2007-09-28T04:46:00.000-07:00

Dwi wedi bod yn tyrchu'n ddyfnach i fyd y Podlediadau a wedi darganfod mwy o rai gwych. Er fod rhai blynyddoedd wedi mynd ers eu dyddiau ar Talksport, mae'r cefnogwr Millwall, Danny Baker, a'r cefnogwr Spurs, Danny Kelly, wedi dychwelyd i greu Podlediad wythnosol. Mae nhw wir yn wych, ac yn sicr gwerth gwrando arnynt. Mae'r manylion ar sut i lawrlwytho'r sioeau (unai drwy iTunes neu lawrlwytho o'r We) ar gael drwy ymweld a'u gwefan.

Rhaglen arall fyddai'n hoff o wrando arni ydi'r Spurs Show gyda Phil Cornwell, ond beryg fydd hwnnw ddim o ddiddordeb i'r mwyafrif ohonoch!

Gobeithio fod y Cynghrair Cenedlaethol yn bwriadu parhau gyda'u Podlediadau. Roedd yn syniad da llynedd ac yn ddigon difyr ar adegau.

Ar yr iPod!

2007-09-24T02:55:00.001-07:00

Dwi wastad yn falch o weld mwy o gynnwys Peldroed ar gael drwy'r Gymraeg, ac enghraifft o hynny ydi podlediad newydd 'Ar y Marc' BBC Radio Cymru. Gan mod i lawer rhy ddiog i godi am 8:30 bore Sadwrn, mae cyfle i wrando ar y rhaglen unwaith eto Dydd Llun ac yna y Podlediad 'bonws' ganol wythnos yn syniad gwych. Rhowch dro iddi, mae'r ddolen i wrando arnynt yma.

Rhag ofn nad ydych erioed wedi'i weld o'r blaen, ac yn meddwl fy mod yn hollol wallgof yn awgrymmu gol Dalian Atkinson fel yr un orau erioed, dyma hi unwaith eto:

Ar ol gwrando ar y Podlediad byddwch yn gwybod be rwyf yn son amdani. Dwi wrth fy modd efo gol yna am rhyw reswm!

Tosh yn taro'n Nol

2007-09-14T14:41:00.000-07:00

Ar ol siom nos Sadwrn (y perfformiad yn fwy na'r canlyniad), roedd hi'n wych gweld carfan Cymru yn taro nol mewn ffordd mor drawiadol nos Fercher yn erbyn Slofacia. Roedd Craig Bellamy yn wych, ac fe af mor bell a dweud mai dyna'i berfformiad gorau yng Nghrys Coch Cymru. Un cwestiwn sy'n fy mhoeni i ydi pam fod Robbie Savage wedi bod mor ddistaw yn ddiweddar?!

Nostalgia

2007-09-03T14:48:00.000-07:00

Dwi'n credu fod pawb yn cyrraedd oed pan oedd popeth yn well yn y gorffenol. Er gwell neu gwath, dwi'n credu fy mod wedi cyrraedd y pwynt yma yn 23 oed. Dwi wedi bod ar Youtube yn ddiweddar yn chwilio ar glipiau Peldroed o'm mhlentyd, a beth oedd yn fy nifyrru fwyaf oedd sut mae darlledu Peldroed wedi newid.
Fe gefon ni Sky acw yn ty ni pan oeddwn tua 1993, a finnau tua 9 oed. Roedd yn gyfuniad o Dad ei eisiau ar gyfer y Peldroed, finna ar gyfer y Peldroed a'r Reslo, a'n chwar ar gyfer y rhaglenni Plant fwya tebyg. Dwi'm yn credu i mi weld dim o dymor cyntaf yr Uwchgynghrair Cyntaf, ond rhywbeth fel hyn dwi'n ei gofio o'r darllediadau cynnar ar Sky Sports. (Ymddiheuriadau am safon y llun, ond mae hwn yn nostalgia pur i mi!)

Y Twrnament go iawn cyntaf a wnes ei wylio o'r dechrau i'r diwedd oedd USA '94. Er fod gen i frith gof o Italia 90, roedd yr holl gynnwrf yn yr Ysgol a.y.b ar y pryd yn wych. Pawb yn cefnogi Iwerddon A tim arall. Dwi'n credu mai yma y cychwynais gefnogi'r UDA, parthed sy'n achosi i mi eu cefnogi ymhob twrnament ers hynny (gan fod Cymru heb gyrraedd yr 'run hyd yn hyn). Dwi wedi gweld ymgais ITV, ond dwi'm yn ei gofio'n rhy dda. Dwi yn cofio ymgais y BBC serch hynny.

Yna daeth Cwpan y Byd 98, a roedd ymdrech ITV y tro yma yn wych. Llawer iawn gwell gen i na ymgais y BBC i fod yn fwy cwl na chwl.

Dwi am adael chi am y nostalgia trip yma efo'r agoriad i Match of the Day. Does dim gwell!

Rhys Williams

2007-09-02T12:17:00.000-07:00

Mae Rhys Williams o Middelsbrough wedi tynnu allan o chwarae dros tim Dan 21 Cymru yn erbyn Ffrainc. Gobeithio nad yw hyn yn golygu fod y llanc sy'n gymwys i chwarae dros Cymru, Lloegr, India ac Awstralia wedi newid ei feddwl, neu wedi derbyn cynnig gwell....

Mae Peldroed Affrica wedi Datblygu Chydig!

2007-08-30T15:15:00.001-07:00

Rhan o Hanes Cwpan y Byd bellach...

Tyfa i Fynnu Paul

2007-08-30T03:58:00.001-07:00

Daeth newyddion siomedig heddiw fod Paul Parry o glwb Caerdydd wedi gwrthod ymuno a charfan John Toshack ar gyfer y gemau yn erbyn yr Almaen a Slofica, ynghyd a unrhyw gemau yn y dyfodol agos.

Yn bersonol i mi, credaf ei fod yn benderfyniad dwl iawn gan Parry. Mae'n 27 oed rwan ac felly os oes problem ganddo gyda Toshack, bydd yn ei 30'au mwy na thebyg cyn i unrhyw un newydd gymryd y swydd. Felly mae Paul Parry wedi taflu ei yrfa rhyngwladol ei hun i'r sbwriel i bob pwrpas. A fyddai rhywyn fel Kevin Nolan o Bolton yn gwneud penderfyniad tebyg, er nad yw'n cael ei bigo ar gyfer tim Lloegr? Rhaid i mi ddweud fy mod yn cytuno'n llwyr gyda sylwadau Jason Perry, mae linc iddo yma:
http://news.bbc.co.uk/sport1/hi/football/internationals/6969962.stm

Brechdan Corgimwch?

2007-08-29T02:56:00.000-07:00

Yn ol i Gae'r Ysgol Bodedern fu fy ffawd Dydd Sadwrn ar gyfer gem arall yn y Cynghrair Undebol. Y tro yma, Llandudno oedd yr ymelwyr a gwelwyd crasfa go iawn wrth iddynt ddychlwelyd yn ol dros yr A55 gyda Thriphwynt a phedair Gol i'w henw. Prynhawn siomedig ym Modedern, a gobithio bydd canlyniad gwell heno yn erbyn Llanfairpwll, er nad ydwyf yn gallu bod yn bresennol.
Yna Dydd Sul, fe es i amgylchedd ychydig yn wahanol, sef i Old Trafford i weld Manchester United yn erbyn Spurs. Yn dilyn chydig o anffawd gyda'r tocynnau, fe gefais a fy met i fewn mewn da bryd erbyn y cic gyntaf (yn y llecyn ar gyfer cefnogwyr yr ymwelwyr wrth gwrs). Mae Old Trafford ei hun yn glamp o stadiwm ac er fy mod wedi bod yno o'r blaen, dwi'n rhyfeddu wrth faint y lle. Yr unig beth sy'n ei adael i lawr ydi un eisteddle sydd dipyn hynach a llai na'r gweddill (h.y, eisteddle ni!). Dydi o ddim yn faes Peldroed traddodiadol fel y cyfryw, fel Parc Goodison neu i raddau White Hart Lane, lle mae strydoedd o dai o'i amgylch a.y.b. Ond mae yn daclus iawn gyda phob adeilad yn amlwg gyda chyfarwyddiadau ymhobman.

Beth oedd yn siomedig, ac yn enghraifft o beth sydd wedi digwydd i beldroed dros y ddegawd neu mwy diwethaf, oedd y nifer o bobol oedd yno sy'n amlwg ddim yn ymwelwyr cyson. Roedd na gymaint o bobol yno yn y maes ei hun yn ystod y gem yn tynnu llyniau o'u gilydd a llawer yn amlwg wedi hedfan yno o wledydd amryw ar gyfer dweud eu bod wedi bod mewn gem Uwchgynghrair Lloegr. Ond am wn i, dyna mae llawer o'r clybiau eisiau'u weld yn digwydd fwy cyson. Pa glwb sydd angen y teip o ffan sy'n canu caneuon (o bosib ddigon amheus ar adegau) ac yn sefyll i fynnu drwy'r gem, pan mae posib cael cefnogwyr wneith gau eu ceg ac eistedd lawr yn daclus ac yno ar gyfer y 'Spectacle' yn hytrach na'r gem ei hun? Tua £40 ydi tocynnau heddiw, ond beth yw'r dyfodol? Mae'r clybiau wedi dwblu eu incwm o'r hawliau darlledu tramor ar gyfer eleni, ond dal i godi wnaiff y prisiau. Mae angen gofyn pam weithiau, a'i ar gyfer rhesymau ariannol yntau rhesymau diwyllianol y mae'r prisiau'n parhau i godi?

Mae'n gysur fydd wastad gennym ein system Beldroed ein hunain yng Nghymru. Mae na rywbeth ddigon rhamantus am sefyll ar Deras St Paul ar Ffordd Ffarrar yn y glaw weithiau yn does?

Glantraeth v Bodedern

2007-08-23T04:41:00.001-07:00

Un o fy hoff feysydd yn y Cynghrair Undebol ydi un Glantraeth. Dwi ddim yn berffaith siwr pam, ond mwy na thebyg fod y ffaith fod mwyafrif un ochr o fy nheulu yn dod o'r cyffuniau yn help yn y mater. Mae'r maes ei hun wedi'i leoli rhwng pentrefi Malltraeth a Bethel yn Bodorgan, Ynys Mon, ar dir Bwyty Glantraeth. Clwb eithaf nomaidaidd ydi Glantraeth felly yn y bon, yn denu cefnogaeth Ffermwyr ac Amaethyddwyr cyfagos ar y cyfan, hyd y gwela'i.

Mae'n faes digon smart gydag un eisteddle yn dal rhyw 70 o gefnogwyr, a rhyw sylfaen sy'n edrych fel sied Wartheg yn dwblu fel rhyw fath o loches rhag y glaw. Mae'r clwb yn lwcus mewn un ffordd nad oes angen poeni am adeiladu unrhyw strwythurau fel toiledau na 'Clubhouse' gan fod y cyfleusterau yma dafliad carreg i ffwrdd yn y bwyty/tafarn ei hun.

Fe gefais y cyfle i ymweld a'r rhan yma o'r byd oherwydd i Boded deithio yma ar gyfer ein ail gem o'r tymor, neithiwr. Ar noson ddigon braf fe orffennodd y gem yn ddi-sgor, canlyniad reit addawol ar y cyfan. Pan yn cysidro fod Boded lawr i 10 dyn ar ol 20 munud o chwarae, a fod Glan yn draddodiadol yn un o'r ceffylau blaen yn y gynghrair, fe wnai gymryd canlyniad o'r fath rhyw ddiwrnod! Llandudno sydd i ddod nesaf, Prynhawn Sadwrn. Mi fysa canlyniad reit tebyg yn ddigon derbynniol mae rhaid i mi gyfaddef.

2007/08 Wedi Cychwyn

2007-08-20T08:05:00.000-07:00

Roedd yn benwythnos Peldroed digon difyr ar y cyfan. Dydd Sadwrn fues yn gwylio Bodedern yn erbyn Dinbych ym Mhenwythnos agoriadol Cynghrair Undebol y Gogledd. Yn dilyn patrwm yr 'Haf' yma, wnaeth hi fwrw glaw mwy na lai drwy'r gem, ond wnaeth y cae ddal yn dda iawn heb dorri. Mae llawer o ddiolch am hynny i Huw sef prif 'Groundsman' y Clwb.
Roedd gan Dinbych ambell i enw cyfarwydd fel Kenny Burgess, Tommy Harrison a Mark Orme yn eu mysg, ond wnaethon nhw'm dod fewn i'r gem o gwbl yn yr hanner cyntaf. Roedden nhw eithaf lwcus i fynd fewn i'r egwyl ond un gol tu ol iddi, ond daethant yn ol yn gryfach yn yr ail i sgorio'n hwyr i wneud gem gyfartal ohoni. Dim rhy ddrwg o safbwynt Boded, ond braidd yn siomedig i ildio gol mor hwyr mewn i'r gem. Mae gem ddarbi bwysig i ddod Nos Fercher yn erbyn Glantraeth (ia, yr run Nos Fercher a mae Cymru'n chwarae allan ym Mwlgaria!).

Siom oedd gem gyntaf Llangefni yn yr Uwchgynghrair. Wrth gwrs, doeddwm i'm yn bresenol yn y gem, ond yn ol y rheiny oedd yno, mae lot o waith i'w wneud. Cefais hwyl wrth glywed Brian Owen (neu Bri Boded fel adnabyddir yn lleol) yn darogan y gall Cefni orffen mewn safle Cwpan Cenedlaethol ar ddiwedd y tymor. Anodd gen i gredu hynny yn bersonol!

Mae'r newyddion wedi cyrraedd bydd Cyrmu yn gorfod gwneud heb Bellamy a Koumas nos Fercher. Yn bersonol, dwi ddim rhy siomedig am hynny. Mae hon yn gyfle euraidd i Eastwood a/neu Bellamy roi cur-pen go iawn i Toshack ynglyn a'r rheng flaen, a mae hefyd yn gyfle i rywyn gymryd y fantell am safle ynghanol y Cae. Hon yw'r gem gyntaf ers sbel heb y ddau Carl yn ran o'r garfan, a felly o bosib fod gen rhywyn fel Mark Jones gymryd y fantell yn eu habsenoldeb. David Vaughan i lenwi esgidiau (mawr iawn) Giggs ar y chwith hefyd o bosib?

Brasil a Chymru

2007-08-17T12:06:00.000-07:00

Wedi dod ar draws y Fideo ddiddorol yma o deledu Brasil dwi'n cymryd. Yn gyntaf mae'n son am hanes Cymru yn erbyn Brasil, ac yna uchafbwyntiau o'r gem diweddar a chwaraewyd yn Llundain. Mwynhewch!

Dydi Darogan yn Hwyl?

2007-08-08T03:38:00.000-07:00

Mae Cwmni Coral wedi postio'r 'odds' yma ynglyn a phwy enillith Uwchgynghrair Cymru eleni, a mae'n gwneud darllen difyr a gwneud y lleiaf. Wrth gwrs, barn ydi popeth yr adeg yma o flwyddyn, ond mae lle i anghytuno gyda barn y cwmni.

Llanelli i orffen uwchben y Rhyl?
Derwyddon Cefn Newi i orffen ar y gwaelod?
LLangefni a Castell Nedd i orffen uwchben Caersws?

TNS 8/11
Llanelli 11/4
Rhyl 7/2
Bangor 12/1
Welshpool 22/1
Aberystwyth 33/1
Carmarthen 33/1
Newtown 33/1
Port Talbot 33/1
Connah's Quay 50/1
Porthmadog 66/1
Haverfordwest 80/1
Caernarfon 100/1
Llangefni 100/1
Neath 100/1
Airbus UK 150/1
Caersws 150/1
Newi Cefn Druids 150/1

Dyma fy marn i o sut eith y tymor ar gyfer yr 18 clwb yn y Gynghrair:

Aberystwyth (7fed) : Wedi cael Haf distaw yn y farchnad am chwaraewyr, hyd y gwelaf i. Canol-tabl uchel dywedwn i, os na mae'u chwaraewyr pwysig fel Bari Morgan yn cael tymor eithriadol.

Airbus UK Brychdyn (18fed): Tymor anodd i'r tim o Frychdyn ddywedwn i. Heb ddod a llawer i fewn i'r garfan dros y tymor, ac yn edrych fel y tymor y ddychwelan nhw i'r Cynghrair Undebol.

Bangor (4ydd): Neville Powell yn cymyd drosodd tim gaeth tymor sigledig llynedd. Cychwyn gwael iawn o dan reolaeth Clayton Blackmore, ond Steve Bleasdale yn dod ac ychydig o broffesiynoldeb i'r garfan. Mwyafrif carfan y llynedd wedi'i gadw, ond a all Tommy Mutton ac Ashley Stott lenwi esgidiau'r anfarwol Jiws?

Caersws (14eg) : Penodiad diddorol i ddod a Mike Barton o Gegidfa a Dave Taylor o Fwcle i fewn. Wedi arwyddo un neu ddau chwaraewr profiadol, ond fydd colled Mickey Evans yn un aruthrol.

Caernarfon (15fed): Wedi colli Chris Jones i Langefni, a chawn nhw broblemmau darganfod cefn y rhwyd. Y chwaraewyr newydd o bwys wedi dod o ail garfan Vauxhall Motors ac am gael tymor anodd arall. Gwybodaeth O'Shaugnessey am y gem am fod yn ddigon i'w hachub am dymor arall, serch hynny.

Caerfyrddin (9fed): Wedi colli Kaid Mohammed i Swindon a heb gael neb yn ei le eto. Rhaid iddynt gael siom canlyniad Brann allan o'u system mor fuan a sy'n bosib, ond Mark Aizlewood yn ran o'r staff i ddod a Phroffesiynoldeb i'r garfan. Deryn Brace gyda chydig i'w brofi hefyd.

Castell Nedd (17fed): Newydd ddyfodiaid arall i'r Gynghrair. Neb i'w weld yn gwybod llawer am y clwb, ond credaf eu bod mewn gwell stad na'r oedd Cwins y Grange ddwy flynedd yn ol. Diffyg Profiad ar y lefel yma am gostio'n ddrud iddynt o bosib?

Cei Conna (11eg): Tymor gyntaf Jim Hackett wrth y llyw. Mae ganddo dasg anodd ar stadiwm Glannau Dyfrdwy gyda cnewyllyn y garfan wedi symud i Fangor. Mae ganddo dasg anodd siapio tim cryf o be sydd ganddo ar ol. Wedi arwyddo rhai chwaraewyr ifanc o Gaer lle'r oedd arfer bod, ac bydd cadw Chris Williams rhag crafangau Nev Powell yn hwb iddo.

Derwyddon Cefn NEWI (13eg): Er fod gan Wayne Phillips brofiad gyda Caernarfon, tim rheolaeth eitha di-brofiad sydd gan y Derwyddon ar y cyfan. Ricky Evans yn gaffaeliad mawr i'r clwb, ond a oes gan Lee Jones a Wayne Phillips gymeriadau ddigon cryf i ddod a'r gorau allan ohono? Tim arall sydd am gael trafferth sgorio goliau os nad yw Heverin ar ei orau.

Y Drenewydd (8fed): Marc Lloyd Williams wedi arwyddo i'r clwb, felly mae goliau ar barc Latham bron yn sicr. Cawn dymor go-dda yn fy marn i, gyda'r amddiffynwr addawol Craig Williams i barhau i ddenu llygaid y sgowtiaid.

Hwlffordd (10fed): Mae Derek Brazil yn cychwyn ei dymor cynta lawn wrth y llyw yn Hwlffordd, a mae wedi dod a'r tim yn ei flaen yn ddistaw bach. Credaf wnaiff y cynnydd yma barhau eleni.

Llangefni (16fed): Am fod yn dymor anodd i'r hogia newydd. Y tim diwethaf o'r Ynys i ynddangos yn y Gynghrair oedd Bae Cemaes, a oedd erbyn y diwedd yn chwarae tim o fechgyn 16 a 17 oed i lenwi'i tim. YN ffodus, mae Cefni mewn dipyn gwell stad ar ac oddi-ar y maes. O dan reolaeth ofalus Bryan Owen, a wedyn Adie Jones, maen't o'r diwedd wedi enill dyrchafiad. Mi fydd lot o bwysau ar Chris Jones oherwydd ni welaf lawer o goliau yn dod o unigolion heblaw am hwnnw. Rhaid i weddil y garfan wnaud y cam i fynnu'n sydyn i sefyll unwhyw siawns o dymor arall yn yr Uwchgynghrair.

Llanelli (3ydd): Fy mhroffwyd i yw fod Llanelli am orffen yn y safle Cwpan Inter-toto eto eleni. Er fod ganddynt chwaraewyr talentog yn eu mysg, a'u statws llawn-amser, nid oes ganddynt broffesiynoldeb y Seintiau Newydd, nac ychwaith ysbryd y Rhyl. Mark Pritchard efo esgidiau mawr Jacob Mingorance i'w llenwi, a mwy o bwysau ar Rhys Griffiths i sgorio goliau.

Port Talbot (6ed): Tymor cyntaf Tony Pennock fel rheolwr, a mae pethau'n edrych yn eithaf addawol ar stadiwm Remax. Gyda'r clwb yn meithrin cytundeb gyda Abertawe i gael menthyg chwaraewyr addawol, ifanc o'r Swans, dylai fod yn dymor eithaf cyfforddus. Bydd trosglwyddiad Lee John i Gasnewydd dros yr Haf, yn ergyd serch hynny.

Porthmadog (12fed): Mi fydd yn anodd gwybod be ddigwyddith i Port eleni. Ar ol blynyddoedd o dan reolaeth Viv Williams ac Osian Roberts, mae rheolwr newydd ar y Traeth. Mae gan yr anfarwol Clayton Blackmore lawer i'w brofi fel rheolwr ar ol cyfnod siomedig ar Ffordd Ffarrar, a mi fydd yn dasg iddo gyfuno dau rol os yw'n penderfynnu parhau i Chwarae, ac yntau yn ei 43ydd blwyddyn. Fawr o newidiadau ar y Traeth dros yr Haf, ac o'r rheiny, mae mwy wedi mynd allan na sydd wedi dod i fewn.

Y Seintiau Newydd (1af): Mae proffesiynoldeb y Seintiau filltiroedd o flaen pawb arall yn y Gynghrair. Mi fydd y rheng flaen o Ronnie Morgan a Mike Wilde yn lond llaw i amddiffynnau lu, a gyda Andy Holden a Steve Beck lawr yr asgelloedd, mae'r tim llawn goliau. Heb eto lenwi esgidiau Steve Evans yn yr amddiffyn, ond gyda goliau lu yn y tim, a oes angen?

Y Trallwng (5ed): Mae Tomi Morgan wedi troi Maes-y-Dre yn le anodd i fynd. Mae ganddo gnewyllyn o hogia Cymraeg a mae ysbryd da yn perthyn i'r garfan. Chwaraewyr fel Gethin Lloyd wedi denu'r llygaid yn y gorffenol, a rwan fod Calvin Davies yn dychwelyd ar ol cyfnod byr gyda'r Rhyl, gwelaf dymor da eto iddynt.

Rhyl (2il): Mae'n argoeli'n tymor da i'r Bechgyn ar y Belle Vue. Mae Hulse wedi arwyddo chwaraewyr profiadol, ac os mae'n gallu perswadio Michael White i arwyddo am y tymor, mae llawer o safon yn perthyn i'r tim. Nid ydynt bellach yn or-ddibynol ar Andy Moran am goliau, a dylai Chris Sharp fod yn ol cyn bo hir. Y Sion yw fod y clwb yn mynd am y bencampwriaeth eleni, ond yn fy marn i, rhaid iddynt setlo am le yng Nghwpan UEFA eto eleni.

Mae Angen Newid

2007-08-03T06:11:00.000-07:00

Mae hi'n fwy amlwg nag erioed, fod rhaid newid pethau. Tri allan o'n pedwar cynyrchiolydd allan o Ewrop ar y rheol Goliau oddi-cartref. Pa mor anlwcus all un gwlad fod yn Ewrop?! Rydym yn son yn y fan hyn am ddau glwb llawn-amser, ac un rhan-amser, gyda llond dwrn o gemau cyfeillgar yn erbyn timau di-nod yn Lloegr (gan amlaf) yn mynd allan i Ewrop gyda disgwyliadau Cymru gyda nhw. Sut mae modd cystadlu dywedwch?
Mae'r un hen ddadl yn cael ei roi ger-bron o hyd, mai gem i'r Gaeaf ydi Pel Droed a.y.b. Mae'n amlwg felly fod y ddadl dros fabwysiadu tymor debyg i Weriniaeth Iwerddon wedi'i golli am ddegawd o leiaf. Ond, a ydi hynny'n golygu fod rhaid i bopeth arall aros yn ei unfan?

Credaf fod hi'n deg dweud nad ydi'r Gynghrair, na'r pyramid odani ychwaith, yn cael y gefnogaeth eithaf gan y Gymdeithas Beldroed yng Nghymru. Mae'r ffaith os mai ddiffyg arian ac adnoddau, neu ystyfnigrwydd rhoi arian ac adnoddau yw'r rheswm pennaf, i fynnu i chi. Ond y gwir plaen ydi for rhaid i'n clybiau gymryd y mantell ar bennau'i hunain, ac nid o reidrwydd gyda chefnogaeth y Gymdeithas bob amser.

Fy syniad i ydi i'r Gynghrair gychwyn ar ddechrau Mis Gorffenaf, hynny yw bob Cynghrair yng Nghymru newid ei galendr yn raddol i gychwyn yn gynt. Mi fasa hyn yn gweithio ar ddwy lefel. Yn gyntaf, buasai Peldroed yn cael ei chwarae ym Misoedd prysuraf yr Haf. Doedd ond angen bod yn gem Rhyl v Haka pythefnos yn ol i ddod i'r casgliad bod canoedd o ymwelwyr a oedd digwydd bod yn yr ardal, wedi mynychu'r gem. Os fysai hyd yn oed hanner y rheiny yn mynd i weld gem Rhyl yn y gynghrair, does dim rheswm pam na ddylai torf arferol gael ei chwyddo o gant neu fwy yn ystod y mis neu ddau agoriadol, o leiaf.

Wrth gwrs, byddai'n clybiau mewn gwell stad i fynd allan i Ewrop hefyd. Yn sicr i chi byddai 2-3 gem gynghrair o dan y belt yn gangwaith gwell na gemau cyfeillgar yn unig, yn erbyn Poulton Victoria a'u tebyg, fel sy'n dueddol o ddigwydd ar y funud. Pwy a wyr? O bosib y byddai'r Rhyl wedi sgorio un neu ddwy ychwanegol yn erbyn Haka yn eu cymal gartref, gyda chydig mwy o ffitrwydd a mwy o gemau cystydleuol wedi'i chwarae.

Bysa hefyd yn rhoi dewis i'r Cynghreiriau gwahanol, i be i wneud am weddill y tymor. O bosib byddai rhai yn hoff o weld seibiant yn ystod y gaeaf, o bosib yn ystod mis Ionawr. Bysai modd i'r gemau mawr sy'n cymryd lle Dros y Dolig a'r Flwyddyn Newydd fod yn rhywfath o ddiweddglo ar haner cynta'r tymor. Yn sicr byddai hyn yn golygu fod llai o gemau yn cael eu gohirio oherwydd y tywydd, gan na fyddai na Beldroed yn cael eu chwarae yn ystod un o fisoedd mwya' garw y flwyddyn. Dewis arall byddai gorffen y tymor yn gynt, mis Mawrth o bosib.

Mae na ddigon o opsiynau ar gael ar sut i newid pethau. Yn amlwg, mae safon yn chwarae rhan enfawr mewn pam nad ydi'n timoedd yn mynd yn bellach yn Ewrop. Buasai Caerfyrddin byth wedi mentro i'r ail rownd, pwy bynnag pryd chwaraewyd y ddau Gem, er enghraifft. Ond o leiaf dylid rhoi siawns teg i'n cynyrchiolwyr. Dydi gwneud dim byd ddim yn opsiwn mae arna'i ofn.

Adeg yna'r Flwyddyn

2007-07-24T15:01:00.000-07:00

Fe ymwelais a Chae Bob Parri, Llangefni heno i weld sut siap sydd ar eu paratoadau ar gyfer eu tymor cyntaf yn Uwchgynghrair Cymru. Yr ymwelwyr oedd tim ifanc o Academi yr Amwythig, nad oeddwn yn gyfarwydd ac unrhyw un ohonynt. Er hynny, roedd y chwraewyr ifanc, di-brofiad yma yn dechnegol iawn yn eu chwarae. Dyna am wn i oedd yn dangos fwyaf heno. Gydag eithriad Osian Roberts o Porthmadog gynt, dwi'n anmau faint o bwyslais sydd ar y chwarae technegol, yn hytrach na chryfder, wrth baratoi'r ifanc ar gyfer gyrfa yn ein clybiau Cymreig. Er, i fod yn deg, gyda safon rhai caeau Uwchgynghrair Cymru yn ystod Misoedd y gaeaf, a oes syndod pam?

Mae timau llawer gwaeth na Llangefni wedi cadw'u statws yn y Cynghrair Cenedlaethol, a synnwn i ddim gweld Cefni yn aros i fynnu yn eithaf cyfforddus. Fy unig mhryder i am y tim yw eu diffyg profiad ar y lefel yma, ar y wyneb o leiaf. Dros sgwrs efo met i mi sy'n gefnogwr brwd o'r Clwb, daeth yn amlwg i mi bod mwy na'r disgwyl wedi bod yma o'r blaen. Dylan Owen (Caernarfon a'r Rhyl gynt), Chris Jones (Caernarfon), Graham Austin (Bae Cemaes a'r Rhyl), Ywain Gwynedd (Port) ond o dop fy mhen. Yn ogystal, does dim posib di-ystyrru dylanwad Adie Jones dros ei garfan gymharol ifanc, mi fydd ei brofiad o'n hanfodol yn y tymor cyntaf pwysig hon.

Ond o Glwb sy'n edrych ymlaen i'w tymor cyntaf ar y lefel hon, mae clwb arall sydd wedi gwneud yn oll o'r blaen, yn edrych ymlaen at siwrnae lawr ffordd tra wahanol. Am y tro cyntaf ers i'r Bari drechu Shamkir (ew, mae'n swnio mor bell yn ol rwan), mae clwb o Gymru efo siawns realistig o gyrraedd ail rownd rhagbrofol Cynghrair y Pencampwyr. Dwi yn pryderu nad ydym wedi gweld Ventspils ar ei gorau yr wythnos diwethaf, a gyda buddogoliaeth o 2-0 yn erbyn Blackpool o'r Bencampwriaeth o dan eu belt Dydd Sadwrn, dwi'n ofni'r gwaethaf.

Dim Blues ar y Belle Vue

2007-07-20T02:46:00.001-07:00

Mi fyswn yn gallu cychwyn y pwtyn yma drwy son am yr uffern o siwrnae tren a gefais ar y ffordd i, ac adref o'r Rhyl neithiwr. Ond dydi'r pobol meddw ar y ffordd yno, na'r gohiriadau lu a achosodd i mi gyrraedd adref am 12:20 y bore ma ddim mor bwysig a chanlyniad y Lillywhites neithiwr. Ar ol eu buddugoliaeth wych, mae'r Rhyl gam yn nes i gyrraedd ail rownd rhagbrofol Cwpan UEFA. Roeddwn yn diawlio ar y tren yr holl ffordd adref nad oeddwn wedi rhoi pres ar Rhyl i guro, gan fod yr odds reit dda (ymysg pethau eraill).

I fod yn hollol onest, y rheswm na rois arian arni oedd nad oeddwn yn disgwyl hyn ddigwydd o gwbl. Bob blwyddyn fel rheol mi fyddaf yn rhoi arian ar y 3/4 tim Cymreig guro'i gemau, a mwy na lai bob blwyddyn rwyf yn colli arian. Lwc Mul ynde?

Mae'n anodd dadansoddi beth oedd yr union resymau am ganlyniad ddoe. A'i hwn oedd yr un Haka a chwalodd Bangor rhyw 9 mlynedd yn ol ar Ffordd Ffarrar, gyda Marlon Harewood ifanc yn y rheng flaen? Mae safon yr Uwchgynghrair wedi codi rhywfaint ers hynny, ac mae rhaid dweud fod tim Rhyl ddoe yn un gwell na un Bangor yn 1998 a roddwyd at ei gilydd yn sydyn wedi ymadawiad Graeme Sharp. Dyma'r tim a roddwyd allan gan Fangor ar y noson, gem gystydleuol gyntaf i'r mwyafrif chwarae gyda'i gilydd.

L. Williams, G. Williams, Fox, Allen, McGloughlin, Horner, Hilditch, Taylor (sub P. Langley), Ayorinde, Sharratt, McGoona (Wenham)

Ond, heblaw am yr enwog Sammy Ayorinde, sydd efo capiau dros ei wlad (Nigeria) i'w enw, yr unig rai dwi'n eu adnabod heddiw ydi Lee Williams, Mark Allen, Darren Hilditch, a Danny McGoona. Ddim yn garfan a oedd mynd am y bencampwriaeth a dweud y gwir.

Doedd gan Rhyl fawr o Beldroed yn perthyn iddynt chwaith. Lot o beli dros y top, ond dyna ni. Mi weithiodd yn do? Mae'n gweithio i John Hulse, a dyna sy'n bwysig.

Er hyn i gyd, dwnim be oedd Caerfyrddin druan yn ei wneud chwaith. 8-0 gartref? Y peth trist am hyn oll ydi fod canlyniad Caerfyrddin am dynnu coefficient Cymru gyda UEFA os bydded i Rhyl gyrraedd y cymal nesaf.

Mae canlyniadau o'r fath, yn anffodus, yn agor i fynnu'r drafodaeth sy'n codi'i ben bob hyn a hyn, nad yw timau'r Uwchgynghrair yn deilwng i gynyrchioli Cymru yn Ewrop. Dyna fydd cri ambell i gefnogwr Caerdydd ar sawl fforwm dros y dyddiau nesaf, gwyliwch chi.

Un troed yn Salzbwrg...

2007-07-18T14:06:00.000-07:00

Mae'r Seintiau Newydd, un canlyniad oddiar gyrraedd ail rownd ragbrofol Cynghrair y Pencampwyr, drwy sicrhau eu buddugoliaeth gyntaf erioed mewn gem Ewropeaidd. Roedd yn ganlyniad eithaf i'r Seintiau, ond y boen mwyaf fydd y ddau gol oddi cartref a ildwyd yn y buddugoliaeth o dair gol i ddwy. Roedd yn glamp o gem serch hynny, a mwynhais wrando arni ar y Radio dros y we. Dyma'r goliau ohoni, a recordiais yn gynharach:

Mae'n anodd gwybod be fydd strategaeth Ken McKenna allan yn Latfia. Ai'r nod fydd cadw pethau'n dynn a chwilio am gol sydyn, yntau mynd amdani i wneud y dasg hyd yn oed anoddach?. Yn sicr fyswn i'm yn licio bod yn esgidiau'r sgowsar hoffus, ddydd Mercher nesaf.

Breuddwyd y Seintiau

2007-07-16T12:37:00.000-07:00

Gan ddilyn patrwm blynyddol bellach, mae'r Seintiau Newydd (dwi o hydyn mynnu eu galw'n TNS), yn ein cynyrchioli yng Nghynghrair y Pencampwyr. Fel y soniais eisoes, mae'n gymal anodd i ddod drosti, yn enwedig wrth ystyried mai llond dwrn o gemau cyfeillgar sydd ganddynt fel paratoad.
Er hynny, faint o Wledydd yn Ewrop sydd ddim yn talu sylw Teledu o gwbl i'w cynyrchiolwyr yng Nghwpan pwysicaf y Cyfandir? Er ychydig syndod i chwi oll mae'n debyg, mae Cymru ymysg y rheiny. Cefais gyfle i daro ebost i Nigel Walker, sef pennaeth Chwaraeon BBC Cymru ynglyn a'r anghyfiawner yma, a dyma dranscript ohono.

"I am emailing you to describe my dissapointment to find out there will be no coverage of our Welsh Football representatives in European competition (again) this year. I am not a supporter of any of the clubs in question (namely, TNS, Carmarthen and Rhyl), however it must be questioned why these games are not being broadcast in any way, shape or form. ITV Sport and other Terrestrial channels pay millions to secure the rights to broadcast English and Scottish clubs in Europe, and RTE in Ireland will be broadcasting Derry City's adventures in Europe.

However, why is it that a Public service Broadcaster such as the BBC fail to see that they have as much an obligation to show Welsh Clubs represent us, as they do, to attempt to secure Welsh National Team coverage. Unfortunately, the BBC were unsuccesful in the latter, but in the former, there is no excuse as far as I can see.

An otherwise happy viewer
Gareth Williams "

A dyma'r ymateb:

"Dear Mr Williams,

BBC Wales will not be providing live coverage of the Welsh Premier clubs’ matches in the first qualifying rounds of the Champions League and the UEFA Cup.

We recognise and understand the disappointment surrounding this decision. As you may know, in past years BBC Wales has broadcast selective television coverage of Welsh Premier teams in Europe and this will continue to be our policy. Many factors are taken into consideration including scheduling, attractiveness of the tie, sequence of the legs and, of course, cost before arriving at a decision and on this occasion it was decided not to broadcast the matches on television. However, this will not diminish our interest in the clubs’ progress. We intend to dedicate coverage to the fixtures on our news, radio and new media services.

BBC Wales remains committed to football in Wales at all levels. Wales' away football internationals frequently feature on BBC Wales with both San Marino v Wales and Germany v Wales to be televised in the Autumn (rights for Wales' home matches rest with Sky). We provide weekly coverage on Sportstime and The Back Page on Radio Wales and Camp Lawn on Radio Cymru. We are also responsible for the production of Y Clwb Pel-droed on S4C and our websites in English and Welsh carry extensive coverage of football every day of the week.

Geoff Williams,
Managing Editor, BBC Wales Sport"

Dwi'n deall eu safbwynt o raddau. Allai ddim beio ITV Cymru i'r run graddau oherwydd mai i'r hysbysebwyr mae eu teyrnged. Ond dwi mewn dryswch ynglyn a rol BBC Cymru fel Darlledwr cyhoeddus. Os dydi dangos clybiau ein Cenedl yn ein cynyrchioli yn Ewrop ddim o fewn dyletswyddau darlledwr o'r fath, mae problem enfawr yn rhywle. Mae gan y BBC ymysg eu gweithlu, griw tryw i Beldroed ar y lefel yma. Sydd ond angen gwrando ar y Camp Lawn neu wylio'r Clwb Pel-Droed yn wythnosol i wybod hynny.
Ond ymddengys fod problem, a thybiaf fod cysgod y bel hirgron yn cael ei daflu dros rai yng nghoridorau pwer y gorfforaeth yn rhywle...

Anlwcus Llanelli

2007-07-02T05:18:00.000-07:00

Agos iawn oedd Llanelli i chwalu fy mhroffwydoliaeth gynt ynglyn a tim o Gymru yn cyrraedd y rownd nesaf. 6 -6! Pwy fydda wedi meddwl! Diolch i ddiffyg ysbrydoliaeth ein Cyfryngau yng Nghymru, doedd dim modd i mi wylio'r Gem. Ond diawl, mae'n swnio'n wych. Y Clwb eisiau rhyddhau DVD ohoni?!

Sgandinafia'n Galw

2007-06-29T05:53:00.000-07:00

Tripiau anodd i Sgandinafia a'r Baltics i weddill Clybiau Cymru'n Ewrop

Cynghrair y Pencampwyr:
TNS v Ventspills (Latfia)

Cwpan UEFA:
FC Haka (Ffindir) v Y Rhyl
Caerfyrddin v SK Brann (Norwy)

Synnwn i ddim gweld pob un o Glybiau Cymru'n colli eu gemau, yn enwedig gyda Llanelli 3-1 i lawr yn barod. Fe wnai ddadlau am Beldroed Haf tan dwi'n groch....

Llanelli yn Ewrop...Mis Mehefin?

2007-06-22T04:13:00.000-07:00

Dydd Sul yma, y 24ain o Fehefin, mae tymor Llanelli yn ailddechrau. Maent yn herio FK Vetra yng Nghwpan Intertoto Uefa allan yn Lithwania. Pob lwc iddynt, ond faint o her fydd trechu tim sydd 15 gem i fewn i'w tymor, gyda un gem gyfeillgar yn erbyn Lido Afan gan y Cochion?

Biti nad oes unrhyw uchafbwyntiau na darllediad o'r gem ar unrhyw un o'n sianeli yng Nghymru. Dylai fod yn norm gweld timau Cymru yn ein cynyrchioli yn Ewrop, ar y teledu siawns?

Tim Lled-Broffesiynol Cymru

2007-05-21T05:24:00.000-07:00

Bob lwc i'r tim lled-broffesiynol, sy'n teithio allan i ucheldir yr Alban heddiw ar gyfer y twrnament pedair gwlad. Mae'r garfan wedi'i wneud yn bennaf allan o chwaraewyr Cymreig sy'n chwarae yn y Conference, gyda llond dwrn yn chwarae yn Uwchgynghrair Cymru. Y ni ydi'r deiliaid ar hyn o bryd, felly bob lwc iddynt yn eu hymgais i gadw eu gafael arno.

Hwn ydi'r garfan:

Gol
Tony Roberts (Dagenham & Redbridge), Ashley Morris (Merthyr Tydfil)

Amddiffynwyr
Chris Todd (Exeter City), Ian Hillier (Newport County), Paul Keddle, Kris Thomas (Caerfyrddin), Danny Parslow (York City), Gethin Jones (Bath City)

Canol Cae
Adie Harris (Bath City), Chris Holloway (Merthyr Tydfil), Lee John (Port Talbot), Michael Byrne (Northwich Victoria), Chris Venables (Caersws)

Ymosodwyr
Graham Evans (Caersws), Rhys Griffiths (Llanelli), Craig Hughes (Newport County), Chris Moore (Dagenham & Redbridge), Robert Duffy (Oxford United).

Synnu fod dim lle i Sion Edwards o Fangor a Les Davies o Port, ond carfan go-lew yn fy marn i.

Be Wna'i Dros yr Haf?

2007-05-15T14:01:00.000-07:00

Mae'r tymor Peldroed drosodd. Sgen i'm diddordeb yn Cwpan F.A wythnos nesa na 'We've won it 6 times' . Diolch byth fod dau gem rhyngwladol i edrych ymlaen iddynt! Mae gemau Cymru ar y Cae Ras wastad yn adegau mawr i gefnogwyr y Gogledd, a dylai hi fod yn llawn dop yno. Annwyl Mr. David Collins, plis gawn ni fwy o gemau yn y gogledd?

Yn y cyfamser, dyma uchafbwyntiau'r gem olaf i gymryd lle yno:

Y Wicipedia Cymraeg

2007-04-19T04:05:00.000-07:00

Ymddihuriadau am y diffyg blogio diweddar. Dwi dal mewn galar oherwydd i Bodod golli mwy na un gem ddarbi yn ddiweddar, yn erbyn Glantraeth a Llangefni yn ogystal a colled yn rownd gyn-defynnol Cwpan Arfordir Gogledd Cymru.

Yn ddiweddar dwi wedi bod yn gweithio ar ddiweddaru y Wicipedia Cymraeg gyda gwybodaeth am holl glybiau Cymru. Os ydych yn gefnogwr neu hysbys am Glwb Peldroed o Gymru, boed ar unrhyw lefel, a fyddach yn cysidro rhoi 10 munud o'ch hamser i ddiweddaru, neu chreu eu tudalen Wici? Mae'r Wici Cymraeg yn brosiect gwerth chweil er mwyn lledaenu neges y We Gymraeg, a credaf ei fod yn bwysig cael presenoldeb Pel-Droed gref arni.

Yn Penwythnos yma dwi'n mynd draw i White Hart Lane i wylio Spurs v Arsenal, cyn gwneud y drip faith nos Fawrth i Brestatyn. Pa glown benderfynnodd fyddai'n syniad da i Fodedern deithio i ben arall arfordir Gogledd Cymru i chwarae Prestatyn, mewn gem gynghrair ar nos Fawrth dudwch?

From The Ridicilous to the .....wel, ddim cweit sublime

2007-03-29T04:51:00.000-07:00

Wedi cyrraedd nol tri o'r gloch y bore wedi blino'n lan, felly maddeuwch i mi os nad ydi'r canlynol yn gwneud synnwyr!
Pam o pam fod Cymru mor hoff o chwarae o gwmpas, yn pasio'r bel yn brydferth o un chwaraewr i'r llall? A pam o pam nad oes neb heblaw am Jason Koumas, a hogyn 17 oed (Bale) yn fodlon cymyd siot bob hyn a hyn? Mae hi braidd yn pathetic gweld ein chwaraewyr (a dwi'n edrych arnat ti, Bellamy) yn meddwl fod angen cerdded y bel i'r rhwyd bob tro.
Rhaid i ni chwarae'n well na hyn i guro Seland newydd yn gyfforddus, heb son am gael rhywbeth allan o gem y Weriniaeth Siec.

San Marino

2007-03-27T05:56:00.000-07:00

Mae Jason Koumas yn llygaid ei le yn datgan bydd awyrgylch 'swrreal' yng Nghaerdydd nos Fercher, wrth i Gymru gael eu herio gan un o'r gwledydd isaf eu parch yn Ewrop. Tua 15,000 o docynnau sydd wede'i gwerthu i'r gem, a fydd na ddim mwy na 25,000 yno nos yfory.
Ar un wedd dwi'n teimlo fod hyn yn haeddiannol, a mai dim ond ffyliaid fel y fi fydd yno. Ond bobol bach, faint o bobol oedd yn cwyno methu cael tocynnau ar gyfer gemau tyngedfenol tua tair mlynedd yn ol, a'r gem yn erbyn Lloegr. Lle byddan nhw fory? Credaf fod hi'n saff dweud fydd na nifer a wnaeth y trip i Ddulun nos Fercher yn gwylio Sky Sports o flaen y tan nos fory hefyd.

Trip arall wedi mynd pasio

2007-03-25T13:05:00.000-07:00

Wow, fe neith hi gymryd lot i guro'r trip yna a wnes i a miloedd o Gymry eraill ar draws mor yr Iwerydd, penwythnos yma. Yn wir, os fuasem wedi cael canlyniad golew, fyswn yn galw am gael eu chwarae pob gem! Diolch byth fod croeso y Gwyddelod wedi lleddfu lot ar boen y canlyniad (a'r perfformiad fwy na dim). Biti fod y lle mor ddrud!

Ar y maes roedd Cymru yn siomedig ar y gorau, a gwael iawn ar eu gwaethaf. Y ddau seren oedd yn disgleirio mewn mor o chwarae diog oedd Stevie Evans a Simon Davies. Y broblem ydi, pan dydi'n chwaraewyr safon uchaf ni (Bellamy, Giggs a.y.b) ddim yn perfformio, dydi'r tim ddim gallu perfformio. Roedd hyn hyd yn oed mwy amlwg gyda Koumas ddim ar gael i chwarae. Wrth gwrs roeddem yn methu Gabbidon hefyd, ond mae cadw'r bel mor bwysig mewn Peldroed Rrhyngwladol, fod canol y cae yn troi allan i fod y safle pwysicaf ar y maes.
Ond 'na ni, hei ho. Da ni allan o'r rhedeg am gyrraedd cystydleuaeth arall eto. Trip i Dde Affrica yn 2010 rhywyn?....

Cwpan Arfordir Gogledd Cymru

2007-03-20T15:40:00.000-07:00

Wedi bod ym Maes Conwy United (Y Morfa) heno yn gwylio Boded yn trechu Llanrwst o 2-1 yn rownd yr wyth olaf Cwpan Arfordir Gogledd Cymru. Argo roedd hi'n oer! Lwcus fod ni wedi enill, neu fyswn wedi bod mewn tymer drwg ar y diawl!

Cyffro Croke

2007-03-12T05:50:00.000-07:00

Gyda llai na phythefnos i fynd tan y gem fawr ar Barc Croke, rwyf nawr yn edrych ymlaen yn arw at y gem. Mae'r tocynnau wedi cyrraedd, Cwch wedi'i threfnu a'r ystafell mewn gwesty wedi'i archebu. Mae'n rhyfeddol cymaint dwi'n eu hadnabod sy'n dweud nad ydynt eisiau tocyn ar gyfer y gem, ond dwi'n fodlon rhoi pres ar y ffaith y byddan nhw yno yn chwilio am docyn yn rhywle ar ddiwrnod y gem. Pam fod pobol yn gwneud hynny? Hefyd, os mae 'Hill 16' o ddiddordeb hanesyddol mawr i bobol Iwerddon, pam yr ydan ni yn eistedd yno (ar seddi dros-dro)? Rhywbeth i'w wneud efo'r ffaith mai hwnnw yw darn gwaethaf y stadiwm?
Yr holl grysau a caneuon Rygbi fydd yn bownd o gael eu canu yno dwi ddim yn edrych ymlaen iddi...

Penwythnos arall wedi mynd

2007-03-12T05:31:00.000-07:00

Ar ol digwyddiadau ddoe a dawn anfarwol Spurs sy'n mynnu i mi farw o drawiad ar y galon cyn i mi droi'n 30, mae'n braf cael edrych yn ol ar y digwyddiadau wedi diwrnod o allu cnoi cil dros y sefyllfa.
Cyn y gem, os byddai rhywyn wedi cynnig gem gyfartal i mi, byddwn wedi cnoi eu llaw i ffwrdd. Ond wedi dweud hynny, sut mae modd peidio bod yn siomedig gweld dwy gol o fantais yn diflannu? Tawaeth, mae'r ail chwarae i fod i gymeryd lle wythnos i heno (19eg) a mae popeth dal yno i chwarae amdano.
Yn anffodus i Boded p'nawn Sadwrn, colli o 4-0 fuodd eu tynged yn erbyn Prestatyn. Dwnim be i feddwl i fod yn onest. Roedd Boded yn chwarae'n dda yn y haner cyntaf, ac yn lwcus i beidio mynd i fewn gol ar y blaen wedi'r golwr arbed cic o'r smotyn.

Dyma glip ohono yma

Yn yr ail haner, roedd pethau'n eithaf cyfartal gyda'r ddau dim yn chwilio am gol. Yn anffodus, i Brestatyn y doth hi, cyn i'r ail, trydydd a'r pedwerydd goliau fynd i fewn. Do, fe agorwyd y llif-ddrysau.
Piti fod rhediad mor dda wedi dod i ben, ond mae gem Llangefni wedi'i ail-drefnu ar gyfer nos Fercher yma a rwyf dal yn edrych mlaen yn arw amdani.
0-0 oedd sgor Bangor yn erbyn Port Talbot.

Port Talbot Druan

2007-03-08T04:13:00.000-08:00

Druan a Phort Talbot neithiwr yn gem gyn-derfynnol y Cwpan Cenedlaethol. Mae nhw'n dim uchelgeisiol sydd wedi gwella fel clwb ar ac oddi-ar y cae.
Gresyn gen i weld tim fel Casnewydd sydd ond yn chwarae yng Nghyngrair Lloegr i fod yn lletchwith, yn derbyn £50,000 ychwanegol yn y banc. Ddim rili yn atgyfnerthu'r ddadl iddynt ymuno a'r Cynghrair Cenedlaethol os ydynt yn gallu cyrraedd y ffeinal y cwpan mwyaf enillfawr (yng ngwerth arian o leiaf) sydd gennym yng Nghymru, a dal gyda siawns o gyrraedd y Conference nacdi?
Dau gem dda i wylio gefn wrth gefn heno, sef gemau Newcastle a Spurs yng nghwpan UEFA. Edrych ymlaen at rheiny.
Gem Llangefni v Bodedern wedi'i ail drefnu ar gyfer nos Fercher nesaf (14/03/07). Gobeithio ceith fynd yn ei flaen y tro yma!

Damia

2007-03-07T05:55:00.000-08:00

Tawaeth, mae gem Llangefni i ffwrdd heno :(

Y Gem Fawr

2007-03-07T04:28:00.000-08:00

Edrych ymlaen yn arw at y gem fawr heno. Na, nid Man Utd v Lille. Dwi ddim yn golygu Casnewydd yn erbyn Port Talbot chwaith. Y gem fawr, os ydych yn Ynyswr sy'n hoffi'ch Peldroed yn lleol, heb os ydi Llangefni v Bodedern ar Lon Talwrn. Gobeithio wir fydd melltith gwobr Rheolwr y Mis Rob Hughes ddim yn effeithio Boded heno wrth i ni baratoi ar gyfer un o'r sawl gem ddarbi fawr sydd gennym drwy gydol y tymor.
C'mon Boded!

Spammers

2007-03-05T05:23:00.000-08:00

Wow! Roedd gem ddoe yn anhygoel. Roeddwn bron a switsio'r gem i ffwrdd haner amser, gyda Spurs 2-0 i lawr yn erbyn West Ham. Lwcus wnes i ddim! Paul Stalteri sydd wedi bod yn cadw'r fainc yn gynnes drwy'r tymor, yn dod o nunlle a sgorio'r gol hawsaf a geith o rioed.
Dwi'n ffendio hi'n anodd cydymdeimlo gyda'r Hammers ar ol y ffordd oeddan nhw'n gwawdio Spurs ar ol i nhw guro 2-1 a gorffen gobeithion Spurs am Gynghyrair y Pencampwyr eleni. Dim cweit mor ddoniol rwan ydi o? :)

Bangor wedi enill 2-1 yn Aber, a chanlyniad wych i Boded hefyd, gem gyfartal 0-0 allan yn Fflint. Rhediad gwerth chweil yn ddiweddar, gobeithio fod hyn am barhau nos Fercher yn erbyn ein gelynion Llangefni. C'mon Boded!

Welsh-Premier yn Dathlu

2007-03-01T04:17:00.000-08:00

Llongyfarchiadau i wefan Welsh-Premier.com sy'n dathlu ei benblwydd yn dair oed. Brainchild Andrew Lincoln sy'n gweithio'n agos gyda chlwb TNS ydi'r wefan, ac am fwyafrif bodolaeth y safle, wedi bod yr unig safle lle gellid cael newyddion cyfoes o'r Gynghrair a gweddill Peldroed Cymru. Dim ond yn ddiweddar mae'r Gynghrair ei hun wedi dod a rhywbeth tebyg, swyddogol, i'r amlwg er nad ydyw cystal a'r un gwreiddiol, answyddogol yma. Penblwydd Hapus!

Y 'Premier' Cup?

2007-02-28T04:26:00.000-08:00

Roedd gen i deimladau cymysg iawn wrth wylio gem Caerdydd a'r Seintiau Newydd neithiwr. Da o beth oedd gweld tim Uwchgynghrair yn mynd drwodd i'r rownd derfynol wrth gwrs, ond doeddwn methu cael dros agwedd Caerdydd at y gwpan. Dim ots be ddywedir am y gwpan hon, pa siawns arall sydd gan Caerdydd o enill £100,000 am enill tair gem a'r posibilrwydd o chwarae Abertawe y tymor yma?
Mae o fel petae Caerdydd ar bwrpas yn diystyrru'r gystydleuaeth er mwyn mynd yn groes yn erbyn y Gymdeithas Beldroed. "Os fysa lle yn ewrop mi fydda ni'n rhoi tim llawn allan" ydi'r alwad yn aml. Ond tra fod ansicrwydd ynglyn a sefyllfa Cymru a'r 'tri mawr', dydi'r Gymdeithas Beldroed ddim mewn sefyllfa i gynnig hyn iddyn nhw. Mae 600 yn troi allan i gem gyn-derfynnol unrhyw gwpan i glwb sy'n honni eu bod yn fawr, fel Caerdydd, yn warth ynddo'i hun.
Mae Wrecsam ac Abertawe wedi trin y gystydleuaeth gyda pharch a roedd yn dipyn o achlysur pan lwyddodd Port Talbot i drechu tim cryf Abertawe rhyw fis neu ddau yn ol. Ond yn anffodus, dipyn mwy fflat ydi'r dathliadau ar y Dreflan heddiw mae'n siwr gen i.

Cymru ar y Cae Ras

2007-02-26T10:58:00.000-08:00

Mae Cymru yn dod yn ol i'r Cae Ras ar y 26ain o Fai (Penwythnos fy mhenblwydd :) , i chwarae gem gyfeillgar yn erbyn Seland Newydd. Dim newyddion i fod yn falch ohono os ydych yn disgwyl i fawrion y Byd Peldroed i gyd ymgynyll yn Wrecsam na dim felly, ond mae'n fwy o Beldroed Rhyngwladol yn y Gogledd yn dydi? Parhad o'r arbrawf lwyddiannus i chwarae Liechtenstein yn Wrecsam, a mae Toshack a'i chwaraewyr i'w gweld yn hapus i barhau.Mae hyn yn rywbeth mae cefnogwyr rhan yma o'r byd ei angen ac yn haeddu. Parhad o'r Seibiant i ni o'r A470 neu tren drwy Llwydlo a'r Amwythig dydi?

Peldroed y penwythnos

2007-02-26T04:06:00.000-08:00

Gan na welais ddim o ffeinal Cwpan Carling ddoe, does gen i'm lle i ddweud dim amdano (fel fyswn i eisiau gweld gem rhwng y ddau dim dwi'n eu casau fwyaf!)
Yn lle hynny, fe es a y wefan wych myp2p i wylio gem Spurs a Bolton wedi'i ffrydio yn syth o Lundain, cael ei ddarlledu o ESPN Hong Kong, ac yn nol i PC fy nghariad ym Mangor. Gwych! Dwnim be sydd haru Spurs wythnos yma, mae nhw wedi enill tair gem yn olynol.
Fe dreuliais fy mhrynhawn Sadwrn ym Modedern (fel dwi'n neud bron bob yn ail Sadwrn drwy gydol y tymor) yn gwylio buddugoliaeth Boded o 1-0 dros Mynydd Isa. Gwych oedd tair pwynt arall, a pethau yn edrych yn reit dda am aros i fynnu y tymor yma. Nid ar chwarae bach mae tim bach sydd heb arian (o'i gymharu efo mwyafrif timau y Gynghrair, ac yn sicr gweddill timau yr Ynys) yn gallu cystadlu yn y Gynghrair hon, ond mae'n edrych ein bod am wneud hynny am dymor arall o leiaf. Mae hefyd yn syndod fod pob un o'r Garfan yn dod o'r Ynys, gyda'r mwyafrif helaeth wedi dod drwy'r system ieuenctid ac wedi'i haddysgu yn yr Ysgol lle rydym yn chwarae. Sawl tim arall ellith ddweud hynny dywedwch?
Hefyd, Bangor yn enill eu gem hwythau yng Nghwmbran. Dwi'm yn cofio'r tro dwytha i'r tri o fy hoff dimau wneud hynny mewn un penwythnos i fod yn onest.
Wrecsam yn colli'n drwm p'nawn Sul, a wedi colli Steve Evans am 5 gem rwan. Pethau'n edrych yn ddu ar y Cae Ras. Conference flwyddyn nesa, rhywyn?

Rangers yn Ewrop

2007-02-22T15:01:00.000-08:00

Sut fod Rangers yn gwneud cystal yng Nghwpan Uefa, ond yn gwneud mor sal yn y Gynghrair?
Mae'n ddiddorol sut mae clybiau yr Alban (heb anghofio fod Hearts allan yn barod, a trychineb Gretna allan yn Derry) yn gwneud mor dda yn Ewrop eleni. Mae Rangers wedi colli sawl gem, nid yn unig yn erbyn Celtic, ond gollwng pwyntiau yn erbyn sawl tim y tymor yma, a dal i ffendio'u hunain yn gwneud yn dda yng Nghwpan Uefa. Ffenomenon od iawn pan yn cysidro fod y tim llawer llai 'Ewropeaidd' nag yr oedd yn y dyddiau pan roedd Brian Laudrup, Steffan Klos a Marco Negri yn chwarae i'r clwb. Yn lle, mae'r tim llawer iawn mwy 'Albanaidd' yma yn ffendio'u hunain yn cocio fynnu dau dymor yn olynol yn y cynghrair domestig, ond tra'n ddi-brofiad yn Ewrop i fod, dal i fynd yn gryf yn fanno am yr ail dymor yn olynol.

Everton v Tottenham

2007-02-22T04:19:00.000-08:00

Fe es i wylio Everton yn erbyn Spurs neithiwr ar Barc Goodison, a roedd yn ganlyniad a diweddglo gwych i mi, yn amlwg. Roedd Spurs wedi chwarae lot gwell yn y haner cyntaf, ond Everton wedi cael gafael ar y gem erbyn yr ail haner, wedi'i hysbydoli gan gic rhydd Mikel Arteta (na ddylai wedi bod yn gic rhydd yn y lle cyntaf). Yn ffodus, gyda cyfuniad o dectegau negyddol gan Moyes, a Spurs yn dod yn ol yn gryf yn y chwarter awr olaf, fe sgoriodd Jenas gol dda i sicrhau'r fuddigoliaeth. Fe aeth ein cefnogwyr ni'n wyllt, a roeddwn yn dawnsio ar fy sedd ar un cyfnod. Gwych!

Giggs a'i giciau

2007-02-21T04:26:00.000-08:00

Yn amlwg yn wahanol i'r rhanfwyaf, dwi'n hollol yn erbyn ciciau rhydd sydyn. Sut all y bel fod mewn chwarae os dydi'r dyfarnwr heb chwythu'r chwiban i ddynodi fod chwarae wedi ail-gychwyn? Yn dechnegol mae'r bel dal yn farw yn dydi o ddim?

Youtube

2007-02-20T04:50:00.000-08:00

Am mod i wedi syffedu, ers sbel rwan rwyf wedi bod yn mynd drwy fy nghasgliad fideos er mwyn eu sortio a taflu rhai di-angen. Dwi wedi dod ar draws rhai hen geiriau nad oeddwn yn gwybod oedd gennyf, a wedi bod yn eu postio ar Youtube. Dyma un ohonynt, sef gol Ken McKenna yn eiliadau olaf Gem Derfynnol Cwpan Cymru 1998 i Fangor yn erbyn Cei Conna. Maer werth gweld faint mae'r hen Gae Ras wedi newid ers hynny. Mwy i ddod yn y man.

'Gynnau Mawr'?

2007-02-20T04:29:00.000-08:00

Mae teitl yr erthygl yma wedi gwneud i mi bendroni ychydig ynglyn ac ystyr y gair 'Big Guns'.

Os ydi tim fel Spurs sydd wedi cyraedd y ffeinal 9 gwaith, a enill y gwpan 8 o weithiau ddim yn 'big gun' yna mae rhywbeth o'i le. Braidd yn sarhaus yn fy marn i.

Youtube Cymru

2007-02-19T09:30:00.000-08:00

Gan fod y blog ma'n edrych yn eitha di-liw, dwi wedi postio fideo wnesh i ei chreu a'i rhoi ar Youtube rhai misoedd yn ol. Gobeithio fod o'n plesio :)

Wrecsam v Caer

2007-02-19T04:24:00.000-08:00

Y penwythnos yma, penderfynnais y byddai'n syniad, gan fod Wrecsam yn chwarae ar y Sul ac ddim yn amharu gyda fy ymrwymiadau eraill, y byddwn yn mentro fynnu i'r Cae Ras am y tro cyntaf y tymor yma ar gyfer gem Gynghrair.
Digon di-fflach oedd y gem ar y cyfan, gyda'r 'run tim yn haeddu ennill na cholli yn y pen draw.
Yr hyn sy’n pery i mi feddwl, yw sut all cefnogwyr selog Wrecsam ddioddef Lee McEvilly o wythnos i wythnos? Ar y Kop fe glywais ddau gefnogwr yn siarad gyda’u gilydd cyn y gem fod y ‘Fat Waste of Space’ yn ‘Shit’ yn erbyn Peterborough, a roeddwn yn eiddgar i weld sut y byddai’n perfformio yn y gem ddarbi fawr.
Rhwystrydedig ydi’r gair fyddwn yn ei ddefnyddio. Roedd i’w weld yn trio ddigon caled ddoe chwarae teg, ond sut all dyn mor fawr a sydd i fod yn gryf, gael eu guro i’r bel mor hawdd? Dipyn o Emile Heskey syndrome os ydych yn gofyn i mi….

Croeso

2007-02-19T04:22:00.000-08:00

Fe gychwynais flog tra yn y Coleg, ond barodd hwnnw ychydig fisoedd yn unig. Dwi'n fawr obeithio bydd yr un yma, fydd yn edrych ar Beldroed yn bennaf, yn dal fy nychymyg dipyn mwy.